30 мая 2025, 10:45
Дæллаг Санибайы байгом кодтой Уæрæсейы Хъæбатыр Тыбылаты Мараты номыл уынг
Уыцы хъæппæрис расидт республикæйы Сæргълæууæг Сергей Меняйло
Дæллаг Санибайы байгом кодтой Уæрæсейы Хъæбатыр Тыбылаты Мараты номыл уынг. Уыцы хъæппæрис расидт республикæйы Сæргълæууæг Сергей Меняйло. Кадджын мадзалы ма хъæбатыры райгуырæн хъæуы уынджы байгом кодтой номарæн фæйнæг дæр. Хъæбатыры ном æрымысынмæ æрбацыдысты йæ хæстæджытæ, хиуæттæ, æмбæлттæ, æмслужбæгæнджытæ, скъоладзаутæ, республикæйы хицауады уæнгтæ æмæ Горæтгæрон районы разамынды минæвæрттæ. Йæ ном ма ратдзысты Дзæуджыхъæуы гимназ «Диалог»-æн. Уæрæсейы Хъæбатыр Тыбылаты Марат фæмард Курскы облæсты. Ныгæд æрцыд Намысы Аллеяйы.
темæмæ гæсгæ
