Иумæ æмæ æнгомæй 67 азы дæргъы. Дохтыр æмæ педагог сты нæ программæйы дарддæры æрмæджы хъайтартæ. Сæхи дæнцæгæй æвдисынц, куыд ахсджиаг у бинонты хæзнатæ хъахъхъæнын. Уæлдай ахсджиагдæр та уый у ацы аз, уымæн æмæ 2024-æм аз Уæрæсейы расидтысты Бинонты афæдзæй. Дæнцæгæн хæссинаг бинонты тыххæй бæлвырддæр радзурдзæн Гаглойты Светланæ.
2024-æм аз Уæрæсейы бинонты азыл нымад кæй æрцыд, уый диссаг нæу. Бинонтæ сты махæн нæ тыхдæттæг, уды фидары бындурæвæрæг, цардмæ цæстæнгас, «патриотизм» кæй хонæм, уый фидаргæнæг, артдзæст.
Паддзахады цæстæнгас дæр æм уымæн афтæ лæмбынæг у. Хæмæтаты Алик æмæ Зойæйы бинонтæ сты дæнцæгæнхæссинаг. Сæ иумæйаг цардыл ныридæгæн цæуы 67 азы.
Хæмæтаты-Тебиаты Зойæ у Уæрæсейы Федерацийы сгуыхт ахуыргæнæг. Æнусы рдæгæй фылдæр фæкуыста Дзуарыхъæуы скъолайы. Стæй уæд æрлæууыд йæ сæргъы. Хæмæтаты Мæхæмæт, хонынц май æ Алик дæр, у нæ республикæйы сгуыхт дохтыр. Медицинæйы фæкуыста 49 азы. Пенсийы рацыд Дзурыхъæуы рынчындоны кусгæйæ. Фæлæ ма бирæ азты дæргъы, ивгъуыд бонтæ хæрдылдаргæйæ, бахъуаджы сахат, лæггад кодта йе мхъæуккæгты æнæниздзинадæн. Афон æмæ сахат æнæхынцгæйæ-иу æм сæхимæ дæр бацыдысты æмæ-иу сын, зæрдæхæларæй, сæ зынтæ аиуварс кодта.
Уыцы традици, ныридæгæн, æххæст кæнынц йæ чындз, нæ республикæйы сгуыхт дохтыр, Хæмæтаты Эмилия æмæ йæ хъæбулы хъæбул Хæмæтаты Агуындæ-педиатр, мæдицинон зонæдты кандидат.
Уый у бинонты æнувыддзинады сæйраг сусæгдзинад. Фыццаг бакастæй у хуымæтæг, фæлæ йыл куы ахъуыды кæнай, уæд æй бамбардзынæ, цы арф хъуыды æвæрд дзы ис, уый. Цас къæрцхъус æм разынæм, уый аразгæ у æрмæстдæр нæхицæй. Нæ фысымтæн та – нæ хуыздæр арфæтæ. Се нæниздзинад æмæ бæркадыл бонæй бонмæ æфтæт.
