2022-æм азы 1-æм январæй фæстæмæ Уæрæсейы сæ тыхы бацыдысты фармацевтон компанитæн лицензитæ дæттыны хицæндзинæдты тыххæй ивддзинæдтæ
Цæгат Ирыстоны дæрддзæф хъæуты цæрджытæн хостæ æлхæныны фадат уыдзæни амбулаториты æмæ фельдшерон-акушерон пунктты. 2022-æм азы 1-æм январæй фæстæмæ Уæрæсейы сæ тыхы бацыдысты фармацевтон компанитæн лицензитæ дæттыны хицæндзинæдты тыххæй ивддзинæдтæ. Ивд æрцыди медикаменттæ дæттыны фæтк. Ныр, амбулаторитæ æмæ ФАП-ты кусджытæн сæ бон уыдзæни льготæтæм гæсгæ хостæ дæттын, стæй сæ уæй кæнын. Раздæр ахæм бар уыди æрмæстдæр фармацевттæн. Фæхуымæтæгдæр кодтой медицинон организацитæн фармалицензитæ дæттыны процедурæ дæр. Йæ райсыны тыххæй, курдиаты фæнысан кæнын хъæуы куысты тыххæй бæлвырд информаци, хостæ кæм дардзысты, кæцæй сæ дæтдзысты æмæ æндæр бæлвырддзинæдтæ.
