Æрмæст иу фиппаинаг – ахæм фадат сын уыдзæн ацы хуыцаубоны, 21-æм июны
Республикæйы дæрддзæф хъæуты цæрджытæн сæ бон уыдзæн, Конститутцимæ ивддзинæдтæ бахæссыны Æппæтуæрæсеон хъæлæс кæныны процедурæйы бацархайын. Æрмæст иу фиппаинаг – ахæм фадат сын уыдзæн ацы хуыцаубоны, 21-æм июны. Алагиры, Æрæфы æмæ Горæтгæрон районты территориалон къамистæ бацæттæ кодтой 16 æвзарæн участочы.
Сæххæст дзы кодтой фæлхасадмæ цæстдарды Управленийы æппæт домæнтæ. Хъæлæсгæнджытæ ифтонггонд уыдзысты маскæтæй, антисептиктæй, фыссæнгæрзтæй æмæ зæрдылдарæнтæй. Уымæй дарддæр æвзарæн къамисты уæнгтæн бацæттæ кодтой халаттæ, æрмкъухтæ æмæ хъахъхъæнæн экрантæ.
Абон къамисты уæнгтæ ратдзысты коронавирусы тестытæ. Ахæм куыст ацыд Цæгат Ирыстоны æппæт участоктыл дæр. Бирæ курдиæттæ ныридæгæн æрбацыд системæ «мобилон æвзарæг»-мæ.
