Уæвгæ, эпидемиологон уавæр ивддзинæдтæ хæссы алы къабазмæ дæр
Дæргъвæтин каникулты фæстæ скъолаты сног кодтой ахуырадон процесс. Уæвгæ, эпидемиологон уавæр ивддзинæдтæ хæссы алы къабазмæ дæр. Ивы адæмы зондахаст, стæй алфамбылай цард дæр. Зæгъæм, ахуырады къабазы тæссаг хъуыддæгтæ цæмæй къаддæр уой, уый тыххæй Дзæуджыхъæуы скъолаты цалдæр предметы дæттынц хиахуырады фæткмæ гæсгæ. Сæйрагдæр у æдасдзинады домæнтæ хынцын, æмæ уыимæ ахуыргæнæн программæ æххæст кæнын. Куыд райдыдтой уроктæ дæргъвæтин каникулты фæстæ, уый федта нæ уацхæссæг Гæджиты Сослан, æмæ йын дæттæм ныхасы бар.
Скъоламæ раздæхыны фæстæ, æвæстиатæй уарзон ахуыргæнджытæм тæвдбарæнмæ æмæ дезинфектормæ. Фæлæ ахуырдзаутæн уый сæйрагдæр нæу. Ахсджиагдæр сын у æртæ къуырийы фæстæ ногæй се мбæлтты фенын. Къласы раздæр куыд бадтысты, афтæ нал бадынц. Фæлæ эпидемиологон уавæр хынцгæйæ, алцыдæр æмбарынц, æмæ уæддæр скъоламæ цыдысты хорз зæрдæйы ахастимæ.
Маскæтæ дарын скъолазаутæн у сæхи фæндонмæ гæсгæ. Ахуыргæнджытæн та у æнæмæнг домæн.
Уæвгæ, зæгъын хъæуы уый, æмæ ацы уавæр ахуырадон процесс зынгæ фæкъылымпы кодта. Скъолатæ ахуыргæнæн пъланæй фæстæдæр аззадысты. Фæлæ урокты фæтк ивынмæ нæ хъавынц.
Æппæт скъолаты эпидемиологон уавæрмæ цæуы бæстон цæстдард. Ахуырады управленийы специалисттæ алы бон дæр аразынц мониторинг, æмæ сбæрæг кæнынц ахуырдзауты æнæниздзинады уавæр. Бирæ предметтæ лæвæрд цæудзысты дистанцион хуызы.
Дзæуджыхъæуы администрацийы ахуырады управленийы фехъусын кодтой, скъолаты рынчынты нымæц нырма тæссаг кæй нæу, уый. Уымæ гæсгæ æмтгæй райсгæйæ, ахуырады дистанцион хуызмæ ивынмæ нæ хъавынц. Куыд зонæм, афтæмæй уыцы фæтк фидаргонд уыди коронавирусы ифекци парахат кæныны фыццаг уылæны.
