Ацы хъуыддаг ахадгæ у, цавæрдæр аххосæгтæм гæсгæ, йæ бон йæ дæсныйадмæ гæсгæ куыст ссарын кæмæн нæу, кæнæ та пенисион кары чи ис, ахæм адæмæн
Дæсныйад аивын, æмæ фæллойы ног фæндагыл æрлæууын. Ацы хъуыддаг ахадгæ у, цавæрдæр аххосæгтæм гæсгæ, йæ бон йæ дæсныйадмæ гæсгæ куыст ссарын кæмæн нæу, кæнæ та пенисион кары чи ис, ахæм адæмæн. Афтæ, куыстдæттыны комитеты хъæппæрисæй цæуынц хæринаггæнджыты курсытæ. Спайда кæнын сæ сæ бон у, йæ квалификаци фæбæрзонддæр кæнын кæй фæнды, уыдонæн дæр. Базарадон-экономикон колледжы ахуыргæнджытæ æрбацæуджыты зонгæ кæнынц ацы дæсныйады сусæгдзинæдтимæ. Курсыты сæйраг нысан у, куыстхъом чи у, уыцы адæмæн баххуыс кæнын. Къордтæ æмбырдгонд цæуынц куыстуæтты разамонджыты курдиæттæ хынцгæйæ. Ацы аз курсытæ ацæудзысты 250 адæймаджы.
Дзидза францусаг кондæй, спагетти æмæ ма æндæр диссаджы хæринæгтæ дунейы алы рæттæй. Дарчиты Надеждæ сахуыр кодта лаборанты дæсныйадыл. Уый хыгъд æнхъæл дæр нæ уыдис, фæндзай азыл æй пъовыры дæсныйад кæй бахъæудзæнис, уый. Адæмæн куыстдæттыны комитеты хъæппæрисмæ гæсгæ ныртæккæ ахуыр кæны, пенсимæ рацæуынмæ цалдæр азы кæмæн баззад, уыцы адæмæн курсыты. Надеждæ куыд зæгъы, афтæмæй йæ ис ныфс, ахæм зонындзинæдтимæ æгуыстæй кæй нæ баззайдзæн, уымæй.
Къорды ис цыппор адæймагæй фылдæр. Уыдонæй иутæ нырма фыццаг къахдзæфтæ кæнынц ацы къабазы, иннæты та фæнды сæ квалификаци фæхуыздæр кæнын. Дзæджыхъæуы базарадон-экономикон колледжы ахуыргæнджытæ сæ ног студенттæй сты разы. Сæ ныхæстæм гæсгæ, ахуыргæнинæгтæн сæ фылдæр зоынц хæринаг кæнын, æмæ курсыты кæрæдзийæн хай кæнынц сæ фæлтæрддзинадæй.
Курыстæ сарæхтой адæмæн куыстдæттыны комитеты фæрцы. Сæ нысан у, куыстхъом кары адæмы фæллоймæ разæнгард кæнын. Къордтæ æмбырд кæнгæйæ та æнцой кæнынц, ныртæккæ куыстдæтджытæ æппæты арæхдæр кæй агурынц, уыцы дæсныйæдтыл.
Хæринаггæнджыты семинартæ уыдзысты дæс къуырийы. Уый фæстæ та райдайдзысты ахуыр кæнын социалон кусджыты æмæ бухгалтерты. Ацы аз курсыты сахуыр кæндзæнис дыууæсæдæ фæндзай адæймагæй фылдæр.
