филиал вгтрк государственная телерадиовещательная компания “Алания”

Дæсныйадæвдисæг ахуыр фехтованийæ арæзт æрцыд Дзæуджыхъæуы 24-æм скъолайы. Ахуырдзаутимæ сæмбæлдысты олимпаг резервы спортивон скъолайы ахуыргæнджытæ. Рæзгæ фæлтæры хъазты фæрцы базонгæ кодтой ацы спорты хуызы сæйрагдæр æгъдæуттимæ, сахуыр сæ кодтой формæ кæнын æмæ рапирæйыл раст хæцын. Фехтованийы æппæт лыстæг хъуыддæгты æмæ зын маневрты тыххæй сывæллæттæн нырма раджы у дзурын. Сæйраг нысан у, цымыдисдзинад сæм æвзæрын кæнын, цæмæй цас гæнæн ис, уыйбæрц фылдæр адæм се ргом раздæхтой ацы спортмæ æмæ æнæниз цардыуагмæ. Ахæм дæсныйадæвдисæг ахуыртæ арæзт цæудзысты республикæйы иннæ скъолаты дæр.