Объекты фæллой кæнынц 12 адæймаджы
Дарддæр æххæстгонд цæуынц Байаты Чермены уынджы Терчы былы аивгæнæн куыстытæ. Объекты фæллой кæнынц 12 адæймаджы. Аразджытæ бавнæлдтой фистæгæйцæуæн хиды быцæугæнæн къул аив кæнынмæ. Конд уыдзæн рагон дзæуджыхъæуккаг амады хуызы – равæрдзысты йæ тымбылдурæй æмæ агуыридурæй. Æдасдзинады нысанимæ рахастой, уаццаджы быру сæвæрыны уынаффæ. Цæнгæт хидырдыгæй æнцойгæнæнты хай ныридæгæн сæвæрдтой. Проектмæ гæсгæ, администрацийы специалисттæ фæнд кæнынц сæвæрын брусчаткæ, рухсытæ, бандæттæ æмæ урнæтæ. Пълæнтты ма ис Терчы дæргъмæ парапет рацаразын. Инæлар Плиты Иссæйы уынгæй Соляныйы фæрсуынджы онг бетон быруты *хсæн скæндзысты згъæр бавæрдтæ. Æхсæнадон территорийы аивгæнæн куыстытæ æххæстгонд цæуынц федералон программæ «Горæты æнцонвадат архайд»-мæ гæсгæ.
