Батальон «Шторм.Осетия»-йы командæгæнæджы хæдивæджы фæсном у «Дикий»
Дарддæр та уын нæ программæйы радзурдзыстæм нæ хæстонты историтæй иу. Сæрмагондæй та Плиты Денисы тыххæй. Батальон «Шторм.Осетия»-йы командæгæнæджы хæдивæджы фæсном у «Дикий». Сæрмагонд æфсæддон операцийы ис йæ фыццаг бонтæй фæстæмæ. Куыд зæгъы, афтæмæй ацыд йæ фыды цардвæндагыл. Уый архайдта цалдæр æфсæддон кампанийы. Йæ хæстон сгуыхтдзинæдты тыххæй Плиты Денис хорзæхджынгонд æрцыд «Ирыстоны Намыс»-ы майданæй.
Июлы райсом. 5 сахаты æмæ 50 минуты. Запорожьейырдæм фæндаг. Ныхмæлæууæг фæлвары атакæ скæнын. Позицимæ араст сты танктæ. Нæ 429-æм полчы уæлдæфон басгæрст къæрцхъъус у. Алы секунд дæр ахсджиаг у. Знаг бырсы уæззау артиллериимæ. Хъæу Жеребянки бацахсыны гæнæн нæй.
Дзуаппдæттæг æхст, райдыдта артиллерион дуэль. Батальон «Шторм. Осетия»-йы командæгæнæджы хæдивæг æмæ йæ хæстонтæ фæуæлахиз сты. Плиты Денис цы дæлхайадæн командæ дæтты, уый ныппырх кодта ныхмæлæууæджы. Æфсæддон хæслæвæрд иттæг хорз æххæстгонд æрцыд.
Денис хорзæхгонд æрцыд «Ирыстоны Намыс»-ы майданæй. Уый тыххæй дзуры æфсармджынæй. Куыд зæгъы, афтæмæй йæ фыццаг хæрзиуæг нæу, фæлæ йын у се ппæтæй зынаргъдæр.
Сæрмагонд операцийы Плиты Денис архайы йæ фыццаг бонтæй. Райдыдта хуымæтæг рæнхъонæй. Уыд хъавæг, взводы командæгæнæджы хæдивæг. Абон та у батальоны командæгæнæджы хæдивæг. Ис æм хæстон цауты контрактмæ гæсгæ службæ кæныны хъæздыг æфсæддон фæлтæрддзинад.
Плиты Денис – Батальон «Шторм. Осетия»-йы командиры хæдивæг, фæсном «Дикий»:«В 2018 г изъявил желание поступить на военную службу по контракту . Все документы собрал, отбор прошел, и начал раб по контракту . Мне все это дело нравилось, и на полигонах, все осваивал, у меня было такое представление, что когда-н это все понадобится, поэтому я старался на всех видах вооружения обучиться, и вот понадобилось» (Дикий 14)
Денисы бинонты патриотизмæн, дæ адæмы сæрибардзинадыл тох кæнынæн ис сæрмагонд, уæлæмхасæн нысаниуæг, зæгъы хæстон.
Командæгæнæджы хæдивæг «Дикий»-ы бæрны цы артиллерион бахыгъдтæ ис, уыдон ахадгæйæ пырх кæнынц НАТО-йы згъæртехникæ, бирæ хæттыты фехæлдтой знаджы атакæтæ.
Тренировкæтæгæнæн полигонтæй иу. Хæстонтæ ахуыр кæнынц коптертимæ архайын. Æмæ уый, фыццаг бакастæй куыд кæсы, афтæ æнцон хъуыддаг нæу.
Æнæ пилотæй тæхæн аппараттæ сæрмагонд операцийы райдианæй бындуронæй аивтой тох кæныны тактикæ, зæгъы Плиты Денис. Мæнæ Запорожьейы облæстæй дрон-камикадзе «Ланцет» æрмæст иу цæф скодта, æмæ уайтагъд ссыгъдысты знаджы 2 згъæртранспортеры, сæ хыгъды – америкаг дæр. Адон та сты финнаг пырх згъæр машинæтæ.
Нæ дæлхайæдты фидардзинад ныхмæллæуæджы фæлмæцын кæны хæстон ныдзæвды линийы, фехалы сын сæ контратакæты фæлварæнтæ. Уымæн нæ хæстонтæм ис æппæт хъæугæ фæрæзтæ, фæлæ сæйрагдæр та у, сæ уды тых æмæ ныфс, æнгомдзинад æмæ уæлахизмæ тырнындзинад.
Батальон «Шторм. Осетия»-йы позицитæм арæх æрбацæуы гуманитарон конвой. Цæмæй лæппутæ баулæфой, æмæ ног тыхтимæ ныхкъуырд дæттой украинаг неонацисттæн, уый тыххæй сæ ацы хатт бабæрæг кодтой Хуссар Ирыстоны адæмон артисттæ.
Батальон «Шторм Осетия»-йы командæгæнæджы хæдивæгыл абон стыр бæрнондзинад æвæрд ис. Сæйрагдæр у, æфсæддон хæс сæххæст кæнын æмæ, йæ дæлбар цы хæстонтæ ис, уыдоны цард бахъахъхъæнын. Сты сæдæйæ фылдæр. Ныртæккæ Запорожьейы фронты æрмæст Цæгат Ирыстонæй ис цалдæр мин бархионы. Сты ныфсхаст, сæ уырнындзинад та сын æххуыс кæны уæлахизмæ цæуын.
