Дыгуры район хаст æрцыд федералон программæтæй иумæ
Театралон премьерæ кæм ацыди, уым, Дыгуры районы культурæйы хæдзары сценæ рагæй дæр къуындæг у бæрæгбоны мадзæлттæ аразынæн. Уæдæ дзы сфæлдыстадон иугондтæ дæр гыццыл нæй. Залы ис 220 бадæн бынаты, фæлæ фаг не сты. Ардæм цæуынц æрмæст Дигорайы цæрджытæ нæ, фæлæ æнæхъæн районæй дæр. Уымæ гæсгæ, уавæр хъæуы сраст кæнын. Куыд рабæрæг, афтæмæй йын гæнæн ис. Моргуаты Ладæ бæлвырддæр.
Таматы Юрийыл цæуы15 азы. Йæ бæллиц у актер суавын, уарзы зындгонд классикты æмæ 4 азы цæуы театралон студи «Сатирикон»-мæ
Дигорайы театр «Сатирикон»-æн 16 азæй фылдæр разамынд дæтты Хъариаты Дианæ. Уый æвзонг актертæн æмбарын кæны театры канд дзурын кæй нæ хъæуы, фæлæ хæссын хъару æмæ тых. Аивадон разамонæг хъыг фæкæны студийы ахуырдзаутæ сæ аивадон ахсдонæй кæй атæхынц.
Культурæйы хæдзары иу сахат дæр уæгъд нæу. Ам ис нырыккон æмæ национ кафджыты къордтæ. Зарынц æмæ ахуыр кæнынц ныв кæныныл. Æппæтæй фылдæр та сывæллæтты фæнды фæндырæй цæгъдын. Рагон инстументыл сæ 10 азæй фылдæр ахуыр кæны Хъамболты Иринæ.
1927-æм азы Дыгуры районы культурæйы хæдзар арæзт цыд адæмы къухфæллойæ . Хæсты рæстæг дзы æвæрдтой танктæ, уый фæстæ та бæхдон. Фæлæ йын раздæхтой йæ фыццаградон нысаниуæг.
Дыгуры район хаст æрцыд федералон программæтæй иумæ, йæ фæрцы тагъд Дигорайы фæзындзæн культурон- ирхæфсæн центр. Проект фидаргонд æрцыд. Центр арæзын райдайдзысты иннæ аз, фæуыдзысты 23-æмы.
