Раджы заманы нæ фыдæлтæ сæ хистæрты кадджын ном ссарынæн уагътой дугъ, арæзтой алыхуызон ерыстæ. Уыцы хорз хъуыддаг нæ ферох Дигорайы районы раздæры сæргълæууæг Бердиты Солтаны кæстæртæй.
Раджы заманы нæ фыдæлтæ сæ хистæрты
кадджын ном ссарынæн уагътой дугъ, арæзтой алыхуызон ерыстæ. Уыцы хорз
хъуыддаг нæ ферох Дигорайы районы раздæры
сæргълæууæг Бердиты Солтаны кæстæртæй. Дигорайы йæ номыл сарæзтой дыккаг
турнир уæгъдибар хъæбысхæстæй.
Бердиты Солтаны номарæн турнир дыккаг аз
æмбырд кæны республикæйы районты æрыгон спортсменты. Арæзт вæййы
бæрзонд æмвæзадыл. Бердиты бинонтæ турнирмæ æрбацæуджытæн саразынц æппæт
фадæттæ дæр сæ рæстæг хорз арвитынæн.
Бæдойты Роман: «Беслæны хъæуæй
æрбацыдтæн ардæм æмæ ам цы диссæгтæ федтон ахæмтæ никуы ма федтон. Тынг
зæрдиагæй арæзт æрцыдысты æппæт хъуыддæгтæ дæр. фæнды мæ фылдæрæй фылдæр
куыд кæной ахæм кæндтæ, уый».
Ацы хатт турниры архайдта 150
спортсмены. Хæцыдысты 14 уазы. Бирæтæ сæ ерысты архайынц дыккаг хатт.
Тынг разы сты, ахæм мадзалы фæрцы сын фадат кæй ис сæ арæхстдзинад
равдисынæн. Ацы турниры фæстæ бирæтæм кæй фæзындзæн ноджы стырдæр
бæрзæндтæм тырндзинад, ууыл гуырысхо нæ кæны олимпаг чемпион Гуæцæлты
Хаджимурат дæр, уый йæ хорз зоны цы ахъаз сты суинаг спортсменæн, уый.
Гуæцæлты Хаджимурат, олимпаг чемпион
уæгъдибар хъæбысхæстæй: «Фыццаджыдæрусловитæ нæй махмæ республикæйы. Чи
зоны æмæ ацы турнирæй рацæудзæн олимпаг. Турниры архайгæйæ сывæллон
рæзгæ кæны».
Фæсивæды арæхстдзинадæн тæрхонгæнæг
уыдысты Уæрæсейы уæлдæр къласы тæрхонгæнджытæ. Тынг лæмбынæг кастысты
сывæллæтты цæттæдзинадмæ.
Махъоты Æхсар, турниры сæйраг
тæрхонгæнæг: «Бирæты фæндыд турниры архайын, фæлæ се ‘ппæты райсын нæ
ббон нæуыд. Фысынтæ уазджытæн скодтой стыр кад».
Фæскадры: Ацы хатт турниры архайдтой чызджытæ дæр. Сæ цæрдæгдзинадæн æмæ арæхстдзинадæн æмбæлгæ аргъгонд æрцыд.
Осмæнты Милана: «Мæнæн тынг æхсызгон у ацы ерысты архайыны фадат мын кæй уыд, уый».
Æппæт рамбулджытæн дæр радтой грамотæтæ,
зæрдылдарæн лæвæрттæ, æхцайы премитæ. Уымæй уæлдай ма сæрмагонд призтæ
саккаг кодтой Æбиты Аланæн, Тыджыты Аланæн, Хъарданты Аликкæн, Гуцаты
Аланæн, Махъоты Сосланæн æмæ Гæлæбуты Вовæйæн.
Тауытты Валерий, Уæрæсейы сгуыхт тренер,
Бердиты Солтаны æмбал. Адæймаг йæ адæмæн исты хорздзинæдтæ куы сараза
уæд æй хъуыды кæнын хъæуы,аргъ кæнын хъæуы.
Радон турниры фæрцы та Бердиты Солтаны
ном ноджы фылдæр адæм базыдта. Йæ уарзон Дыгуры районæн цы хæрзты бацыд,
уыдон Дигорайы цæрджытæй никуы ферох уыдзысты. Зæрдиагæй пайда кæнынц
йæ сарæзт аргъуан, намысы аллея, спортивон скъолатæй.
Солтан иузæрдæиуон уыд рæзгæ фæлтæрыл.
Уый тыххæй фидæнмæ иу æмæ дыууæ адæймаджы нæ радзырдта турниры. Иууылдæр
ын хъуыды кæнынц йæ фæрнджын ном.
