Зынгдгонд æмзæххонты портреттæ, спектакль «Гамлет»-мæ декорацитæ, япойнаг нывкæнынад. Ахæм æмæ æндæр цымыдисаг темæтимæ баст дипломон куыстытæ цæттæ кæнынц Дзанайты Азанбеджы номыл аивадон училищæйы студенттæ. 3 фæлварæн бонмæ æркæсдзысты 40 куыстæй фылдæрмæ 3 къабазмæ гæсгæ. Фидæны хуыздæртæ равæрдзысты Цæгат Ирыстоны æмæ Цæгат Кавказы федералон зылды иннæ республикæты алыхуызон фæзты. Бæлвырддæр радзурдзæн Хъайтмазты Дзерассæ.
Дзæуджыхъæуы аивадон училищæйы 4-æм курсы студенткæ Анна Николенко йæ дипломон куыст хъахъхъæнынмæ бæрнонæй цæттæ кæны. Алы лыстæг хайыл дæр лæмбынæг кусы. Аннæйы рауагъдадон куыст у япойнаг стилы конд. Равдыста дзы Урасима Таройы тыххæй кадæгæй сценæ. Сæйраг хъайтар аирвæзын кодта уæртджын хæфсы. Уый та разынд денджызты æлдары чызг. Таройы æрбахуыдта йæ галуанмæ доны бынмæ. Уым фæцис цалдæр боны. Ирвæзынгæнæджы фæстæмæ былгæронмæ рацæуын куы бафæндыд, уæд разынд, уым цалдæр æнусы кæй рацыд, уый. Ацы таурæгъ нымад у, рæстæджы балцыты тыххæй историты дæнцæгтæй рагондæртæй иуыл.
Анна Николенко, Дзæуджыхъæуы аивадон училищæйы 4-æм курсы студенткæ: «У нас еще в феврале был просмотр работ за все 4 года. Соответственно комиссия посмотрела, какой стиль и какая тематика подойдет тому или иному человеку. У меня за 4 года было очень много Японии, Китая. В целом я увлекаюсь азиатской культурой, и директор мне предложил взять, такую тематику как, японская гравюра периода Эдо. И впоследствии мне предложили само сказание, по которому делать работу».
Йæ дипломон куыст ахадгæйæ цæттæ кæны дизайны хайады 4-æм курсы студенткæ Лидия Андреева дæр. Йæ проект баст у паддзахадон филармонийы 80 азы бæрæг кæнынимæ. Юбилеймæ скодта афишæтæ, концертæн программкæ æмæ æлыгæй конд сувенирон тæбæгъ. 2 мæйæ фылдæр фæллой кодта йæ дипломон куыстыл, æвзæрста хуызтæ æмæ шрифттæ. Лидия фæнд кæны дарддæр ацы къабазы архайын æмæ рæзын.
Лидия Андреева, Дзæуджыхъæуы аивадон училищæйы 4-æм курсы студенткæ: «Вообще я с самого детства рисую, меня в художественную школу отдали. Но я изначально поступала на направление живопись, туда поступить мне не удалось, и я поступила на дизайн. Тут я уже поняла, что дизайн мне по душе. Довольно трудоемкий процесс, очень сложный, психологически это тоже очень сложно. Постоянно какие-то поправки, перекрашивать что-то, постоянно горят сроки. Но как-то справляемся, все успеваем».
Ацы аз 3 фæлварæн бонмæ Дзанайты Азанбеджы номыл аивадон училищæйы æркæсдзысты 40 куыстæй фылдæрмæ 3 къабазмæ гæсгæ – «нывкæнынад», «дизайн» æмæ «æрмдæсныйад». Къамисы хыгъдмæ бацыдысты Цæгат Ирыстоны культурæйы зындгонд архайджытæ æмæ училищæйы педагогтæ.
Гуытъиаты Фатимæ, Дзæуджыхъæуы аивадон училищæйы директоры хæдивæг: «Да, безусловно, ребятам помогают руководители дипломных проектов. Каждый из нас по мере сил своих тоже старается помочь, потому что это наши дети, и мы привыкаем к ним за это время. Это такой основной этап их становления как художников. Для них довольно сложно, волнительно для каждого из нас, помогаем им как можем».
Æппæт дипломон куыстытæ баззайынц училищæйы. Рæстæгимæ хуыздæртæ равæрынц Цæгат Ирыстоны æмæ Цæгат Кавказы федералон зылды иннæ республикæты алыхуызон фæзты.
