«Цыппæрæм цард». Ахæм сæргондимæ документалон киноныв æвдыст æрцыд Дзæуджыхъæуы Гæздæнты Гайтойы номыл библиотекæйы. Мадзал арæзт æрцыд зындгонд фыссæджы райгуырды 110 азы бонмæ.
У фыццаг фыссæг уырыссаг литературон традицитæ фæсарæйнаг аивадон ныхасимæ чи баиу кодта. Дунеон критиктæ йæ нымайынц интернационалон фыссæгыл. Ныффыста 9 романы, 40 радзырды æмæ бирæ публицистон уацтæ, æмæ сæ фылдæр банымайæн ис автобиографионтыл, зæгъынц аивадуарзджытæ. Йæхæдæг бирæ зындзинæдты сæрты ахызт, банкъардта маст æмæ рыст – æмæ сæ аивадон æвзагæй иттæг хорз равдыста йæ уацмысты. Абон чиныгкæсджытæн сты уарзон. Гайтойы номыл мадзалмæ æрбацыдысты йæ хæстæг Гæздæнты Таймураз, республикæйы композиторты цæдисы сæрдар Махъоты Ацæмæз æмæ, Гайтойы тыххæй иунæг документалон киноныв чи систа, уыцы режисссер Рафаэль Гаспарянц. Æрбацыдысты фæсивæд дæр. Цымыдисæй бакастытсы Гайтойы тыххæй кинонывмæ.
