Хииппæрды рæстæг Фыййагдоны рæстæгмæ хæдзар райсын у зын, кæд æмæ интернеты хызæджы ис бирæ хъусынгæнинæгтæ, уæддæр
Уавæр хынцгæйæ, адæмы сæ куыстæй рæстæгмæ кæй суæгъд кодтой, уый ууыл дзурæг нæу, æмæ хиирхæфсæн мадзæлттæ аразын хъæуы. Æндæр куыд ис бамбарæн, Фыййагдоны фæлладуадзæн бынæттæ адæмæй дзаг кæй вæййынц, уый. Бирæтæ зæгъынц, сæхи ахæм хуызы кæй иппæрд кæнынц æхсæнадæй. Фæлæ куыд æххæстгонд цæуынц санитарон домæнтæ, уый фæлхасадмæ цæстдарды специалисттимæ федта не сфæлдыстадон къорд.
Хииппæрды рæстæг Фыййагдоны рæстæгмæ хæдзар райсын у зын, кæд æмæ интернеты хызæджы ис бирæ хъусынгæнинæгтæ, уæддæр. Уыимæ сæ аргъ дæр у алыхуызон, кæмдæрты зынаргъ, кæмдæрты та асламдæр. Алцыдæр аразгæ у хæдзары уавæрæй – абана, бассейн, стыр рудзынгæй та зынынц, цæст чи рæвдауы, ахæм нывæфтыд.
Уый хорз, фæлæ се ппæт хæдзары хицæуттæ æххæст кæнынц санитарон уавæртæ, уый нæ бон зæгъын нæу.
Уæрæсейы фæлхасадмæ цæстдарды минæвæрттæ сбæрæг кодтой Куырттаты комы адæмæн уарзондæр бынæттæ. Иуæй-иу фæлладуадзæн бынæттæ сты æхгæд, иннæты та бæрæг дары, æрæджы дзы хъæлдзæг змæлд кæй уыд, уый. Хæдзары хицау та фидарæй зæгъы, ныртæккæ сæм адæм стæм хатт кæй вæййы. Фæлæ уæддæр специалисттæ бамбарын кодтой, абоны уаврæмæ гæсгæ сæрмагонд домæнтæ æххæст кæнын кæй хъæуы.
Республикæйы сæргълæууæджы уынаффæмæ гæсгæ фысымуæттæ адасдзинады домæнтæ куы ххæст кæной, уæд сын кусыны бар ис.
Фысымуæттæн кусыны бар уымæн радтой, цæмæй хиипæрды рæстæг командировкæйы чи ис нæ республикæйы, уыдонæн цæрыны фадат уа. Фæлæ хъуамæ æнæмæнг сбæрæг кæной сæ санитарон уавæр.
Кæд фысымуæттæн кусыны бар ис, уæддæр туристтæн та нæма. Хиипæрды домæнтæ ныртæккæйы уавæры сты тынг ахъаз. Куы сæ æххæст кæнæм, уæд нын æрдзы хъæбысмæ рацæуыны фадат дæр фæзындзæн.
