филиал вгтрк государственная телерадиовещательная компания “Алания”

Донбассæй лидзæг адæмæн кæндзысты лæвар юридикон æххуыс. Рæстæгмæ кæм æрбынат кодтой, уыцы санаторий Юносты, арæзт æрцыд юстицийы министрады специалисттимæ фембæлд. Адвокаттæ, нотариустæ, ЗАГСы, миграцион службæйы кусджытæ, Юридикон бюройы эксперттæ адæмæн радзырдтой сæ барты тыххæй, æмæ сын загътой сæ бон сын алывæрсыг æххуыс бакæнын кæй у, уый. Бирæты хъæуы тæрхондоны кæнæ хицаудзинады оргæнты специалистты æххуыс. Фембæлды ма архайдтой фæллойы æмæ социалон рæзты министрады минæвæрттæ дæр. Консультацитæ скодтой социалон фиддонты фарстаты фæдыл.