22 марта 2022, 16:49
Донецкы æмæ Луганскы адæмон республикæтæй сывæллæттæ хуынд æрцыдысты Уырыссаг академион театрмæ
Æрбалидзæг адæмæй хистæр кълæсты ахуырдзаутæн равдыстой спектакль «Похороните меня за плинтусом»
Донецкы æмæ Луганскы адæмон республикæтæй сывæллæттæ хуынд æрцыдысты Евгений Вахтанговы номыл уырыссаг академион театрмæ. Æрбалидзæг адæмæй хистæр кълæсты ахуырдзаутæн равдыстой спектакль «Похороните меня за плинтусом». Павел Санаевы уацмысмæ гæсгæ æвæрд спектакль фенынмæ æрбацыдысты 45 адæймаджы. Равдысты фæстæ сывæллæттæн арæзт æрцыд экскурси театрыл, фæстæдæр та базонгæ сты артисттимæ. Ахæм сфæлдыстадон балц ма сæм æнхъæлмæ кæсы 26-æм мартъийы дæр. Уæд æрыгон театрдзаутæн равдисдзысты спектакль «Сотворившая чудо».
