филиал вгтрк государственная телерадиовещательная компания “Алания”

Спорты мастер дзюдо æмæ самбойæ, Уæрæсейы чемпионкæ къуххæстæй, Дунейы æмæ нæ бæстæйы чемпионкæ рæттыл хъæбысхæстæй 2013-æм азы. Æппæт ацы хæрзиуджыты аккаг сси не мзæххон Дудиаты Миланæ.

 

Абон ын уыд пресс-конференци. Дзыллон информацийы фæрæзты минæвæрттæн радзырдта йæ уæлахизты тыххæй. Æрыгон спортсменкæ 23-æм августы китайаг горæт Макаойы фембæлд йæ ныхмæлæууæг америкæйаг Элизабет Филипсимæ. Фæсарæйнаг спортсменкæ уый размæ рамбылдта цыппар ерысы. Ацы хатт та йыл, æртæ уæззау раунды фæстæ, фæуæлахиз Дудиаты Миланæ. Æрæджыйы онг ацы спорты хуызы Уæрæсейы кад хъахъхъæдтой Дагестаны, Цæцæны республикæйы æмæ æндæр регионты минæвæрттæ. Ныр сæ хыгъды ис ирыстойнаг спортсменкæ дæр.