Æдæппæтæй кинофорумы равдисдзысты 60 конкурсон куысты. Программæйы аивадон, документалон, музыкалон æмæ цыбыр кинонывтæ, видеоклиптæ æмæ телеочерктæ.
Дунейы 7 бæстæйæ кинонывтæ равдисдзысты 3-аг æппæтадæмон кинофестивалы «Любовь в каждом сердце».
Æдæппæтæй кинофорумы равдисдзысты 60 конкурсон куысты. Программæйы аивадон, документалон, музыкалон æмæ цыбыр кинонывтæ, видеоклиптæ æмæ телеочерктæ. Се ппæт дæр иу кæны уарзондзинады темæ. Се хсæн ис Тебиаты Златæйы куыст дæр. Схуыдта йæ «Береги». Кинонывы автор аивадуарзджыты размæ рахаста поэт Пагæты Аслæнбеджы цардвæндаг. Йæ хъайтар æвдыст цæуы алы фæзилæнты: æрвылбоны царды, йæ куысты уæлхъус, сценæйы. Тебиаты Златæ йæхæдæг куыд зæгъы, афтæмæй йæ кинонывы сæйраг архайæг се ппæты дæр бафтуадзæн дисы. Хуымæтæг, фæлæ уыцы-иу рæстæг цымыдисаг. Царды зын уавæрты бахаугæйæ, фæтых ис йæ низыл. Уый иу, фæлæ ма йæхимæ ссардта хъарутæ йе ргом сфæлдыстадмæ азадхынæн. Фестивалæн хатдзæгтæ скæндзысты сентябры райдиан.
