филиал вгтрк государственная телерадиовещательная компания “Алания”

Дунеон фыццаг хæсты 100 азмæ национ наукон библиотекæйы байгом чингуыты æмæ нывты равдыст «Война, покончившая с миром».

Равдысты фенæн ис арæх чи не мбæлы, ахæм чингуытæ. Экспозицимæ хаст æрцыди литературæ цалдæр фондæй: стæм чингуыты, аивадон уацмысты, бæстæзонæн стæй фæсарæйнаг литературæйы хайæдтæй, æмæ библиографион центртæй.

Радыст конд у цалдæр хайæ. Иуы дзы равæрдтой фыццаг дунеон хæсты рæстæг цы цаутæ æрцыд, уыдоныл фыст чингуытæ. Иннæ экспозици дзурæг у, хæсты хъайтарты тыххæй. Афицертæ æмæ салдæтты хъæбатырдзинад æмæ цы сгуыхтдзинæдтæ æвдыстой, ууыл. Фенæн ма дзы ис алы бæстæты фысджытæ хæсты темæйыл кæй фыстой, ахæм уацмыстæ.

Равдыст саразджыты ныхæстæм гæсгæ йæ нысан у, рæзгæ фæлтæры хуыздæр базонгæ кæнын 20-æм æнусы историимæ, не мзæххон хæстонтимæ.