«Надежда» бабæрæг кодта не сфæлдыстадон къорд.
Цард диссаг уымæй у, æмæ йæ райсом бон ничи зоны. Абоны хорздзинад фидæны зиндзинадмæ рахизы, кæнæ та иннæрдæм. Афтæ Дур-Дуры скъола интернат «Надежда» – йы хъомылгæнинæгтæн дæр ардæм кæй æрбафтыдысты, уый сын царды ног амæлттæ кæнынæн радта гæнæнтæ. Уæвгæ йæ ном дæр йæ уæлæ у. «Надежда» бабæрæг кодта не сфæлдыстадон къорд.
Ног азы агъоммæ нæ сфæлдыстадон къорд уыд Дур-Дуры сывæллæтты –хæдзар интернат «Надежда»-йы æмæ дзы нæ цæст æрæвæрдтам иу курдиатджын лæппуйыл. Нæ ацы балцы рæстæг та, нæ рагон зонгæйы нал базыдтам. Ирбегæн йæ цæстытæ зылын кæй уыдысты, уымæ гæсгæ йын скодтой операци. Куыд зæгъы, афтæмæй кæсæнмæ бакæсгæйæ йæхи нал базыдта. Ныртæккæ кæд тынг тыхсы хъæбысхæстæй тренеровкæтæм ын цæуæн кæй нæй, ууыл, уæддæр йæ чысыл уд та арфиаг у æппæт дунейæн дæр.
Ацы лæппу та кæд ирон мыггаг хæссы, уæддæр дыгуронау æмдзæвгæтæ дзурыны конкурсы райста фыццаг бынат. Æмæ æвæццæгæн «Надеждæ»-йы йемæ зæрдиагæй куыст куы нæ цыдаид, уæд ын ницы бантыстаид.
Уæдæ уымæй фылдæр æнтæстдзинæдтæ йæ къухы кæмæн æфты, «Надеждæ»-йы хъомылгæнинæгтæй, æхæмтæ дæр ис. Санахъоты Олег архайдта Уæрæсейы ерысты къуххæстæй æрыгæтты хсæн. Уыд Екатеринбурджы.
Олег куыд зæгъы, афтæмæй æмбары, ам ын цы уавæртæ арæзт цæуы, уыдонæй афойнадыл куы спайда кæна, уæд ын царды бирæ кæй бантысдзæн саразын.
Кæд ацы спорты хуызæй дыууæ азæй фылдæр нæ архайы, уæддæр ын йæхи равдисын бантыст. Йæ тренер Сæбанты Оледжы иузæрдиондзинады фæрцы йæ хъаруйыл хъару æфтауы. Куыд фæзæгъынц –адæймаг искæй куы хъæуа, уæд уымæй рæзгæ кæны.Оледжы та æгæрон уарзтæй уарзынц интернаты æппæт хъомылгæнджытæ æмæ хъомылгæнинæгтæ дæр.
Уæвгæ диссаг куыд нæу, бирæ хи бинонты астæу хъомылгæнæг сабитæ дæр нæ разынынц Оледжы хуызæн цардуарзон æмæ нысанмæ æнæзивæгæй тырнджытæ. Йæ уыцы миниуæг ын бамбарынц, йемæ чи базонгæ вæййы, уыдон иууылдæр. Дыгуры районы муниципалон сконды сæргълæууæг Езеты Алан ацы скъолайы иу æмæ дыууæ хатты нæ уыд. Сæ цард сын искæй ныхæстæй нæ зоны. Оледжы Екатеринбургмæ фæндараст кæнгæйæ æмбæрста, лæппуйæн йæ нысан йæ къухы кæй бафтдзæн, уый. Ныр æй æрбахуыдта йæхимæ, цæмæй йын раарфæ кæна, уый тыххæй.
Надеждæйы хъомылгæнинаг дæр Езейы-фыртмæ афтидæй не рбацыд – балæвар ын кодта хъæдæрмæгæй йæхи конд сувенир. Уæвгæ Олег хъæды куыст кæныныл фæцахуыр, интернатмæ дæсаздзыдæй куы æрбацыд, уæд. Йæ ныхæстæм гæсгæ дзы йæ уд бауагъта. Йæ куыстытæм кæсгæйæ та æмбæлы зæгъын, куыд дарддæр , афтæ йын фылдæр кæй æнтысдзæн, уый.
Алы сывæллон дæр царды растнадыл хæст куы уа, уæд ма уымæй хуыздæр хорз цы хъæуы чи йæ хъомыл кæна, уый. Уырны нæ Санахъоты Оледжы сгуыхдзинæдты кой та ма иу æмæ дыууæ хатты кæй нæ ракæндзыстæм, уый.
