Хъæу йæ раздæры хуыз исы сабыргай
Дыгургомы Къуымбылты хъæуы бацæуæнтæ ныр зын базонæн сты. Хъæу йæ раздæры хуыз исы сабыргай. Сæ фыддæлтæ ацы хъæуæй кæмæн рацыдысты, уыцы фæрнджын кæстæрты фæрцы хъуы цард ногæй бацайдагъд. Уыимæ рацарæзтой мæзджыт. Рæстæг ыл йæ фæд ныууагъта, æмæ ма дзы уыд канд йæ бындур. Ныр дæр бæрæг сты æнусон дуртæ. Канд йе ддаг бакастыл куыст не рцыд, фæлæ йæ мидæгæй дæр саив кодтой, пысылмон дины æппæт миниуджытæ хынцгæйæ. Уымæй дарддæр куыст æрцыд зæппадзтæ сног кæныныл. Ныр дзы алкæйы бацæуæн дæр æмæ алфамбылай дæр бæрæггонд æрцыд. Уæдæ хъæуы уæлмæрд дæр ногæй сбæрæг. Зæхх, æмæ дуртимæ сæмхæццæ сты цырттытæ. Лæмбынæг архайды фæрцы дзы алкæцы дæр бæрæггонд æрцыд. Дисы фтауынц иртасджыты уæды адæмы хъару æмæ хуыз.
