Ныййарæг мады уарзондзинад, йæ æнувыддзинад уарзон адæймагыл, бинонты баиу кæныны бæллиц – ацы æмæ æндæр ахсджиаг фарстатыл актертæ кæд худгæйæ дзурынц, уæддæр сæ
Режиссер Гæлæуты Анатолий сæвæрдта Эдуардо Филиппойы пьесæмæ гæсгæ спектакль «Нæ уарзты танго». Неореализмы ирддæр италиаг драматург, актер æмæ режиссер ацы комеди ныффыста 20-æм æнусы астæу. Фæлæ дзы цы истори равдыста, уый æнцон æмбарæн у абон дæр. Уæвгæ уарзондзинад чи нæ банкъардта, йæ ад æмæ дзы зæрдæ куыд риссы, уый чи нæ бавзæрста, ахæм адæймаг зын ссарæн у. Афтæ ацы пьесæйы дæр. Филумена Мартурано 25 азы фæцард хъæздыг Доменико Сорианоимæ. Фæлæ йын æмкъай уыд æви лæггадгæнæг сылгоймаг – уый йæхæдæг дæр не мбæрста. Уарзон зæрдæ фæразон у. Æмæ йын сылгоймаг алцыдæр барста. Цалынмæ йæ ракура, уæдмæ æнхъæлмæгæсгæйæ æрвыста йæ бонтæ. Фæлæ мæнгард Доменико ракурдта æндæры. Йæхицæн 3 лæппуйы хъомыл кæны, уый нæ зонгæйæ. Артисттæ куыд зæгъынц, афтæмæй ацы спектаклы арф хъуыды ис. Ныййарæг мады уарзондзинад, йæ æнувыддзинад уарзон адæймагыл, куыд цæуы йæ бинонты баиу кæныны бæллицмæ. Кæд цыдæр хиндзинæдтæ дæр аразы, уæддæр æрмæстдæр уый тыххæй – цæмæй бинонтæ уой иумæ. Абоны дуджы бирæтæн хъуыдыйаг фарста.
