Нæ республикæйы театртæ сæ улæфты рæстæджы фæстæ байгом кодтой сæ дуæрттæ тетрдзаутæн. Дыгурон Паддзахадон Драмон театры дæр ацыд радон театралон сезоны фыццаг спектакль.
Нæ республикæйы театртæ сæ улæфты
рæстæджы фæстæ байгом кодтой сæ дуæрттæ тетрдзаутæн. Дыгурон Паддзахадон
Драмон театры дæр ацыд радон театралон сезоны фыццаг спектакль.
Театры труппæ тынг зæрдиагæй цæттæ кодта
йæхи тетрдзаутимæ фембæлдмæ. Уырны сæ, сезон цавæр æнкъарæнтимæ
райдайой, афтæ ацæудзæн афæдз дæр.
Гæлæуты Анатолий, Дыгурон паддзахадон
драмон театры директор: «Фидæны сæвæрдзыстæм спектакль «Дыууадæсæм
æхсæв». Фæнды нæ æрбахонын француссаг режиссер. Уый хорз ахуыргæнджыты
хъомылгæнинаг у, æмæ нæ уырны махæн дæр йæ зонындзинæдтæй фæхайджын уын
æвзæр кæй нæ уыдзæн».
Дыгурон театр йæ ног сезон райдыдта Лопе
де Вега Карпино – йы пьесæ » Валенсиаг комеди» – йæ. Театры артистты
уырнгæ дæр нæ кæны, ацы спектакль сæвæрын сæ къухы бафтыд, уый. Фæлæ
театр йæ базыры бын Гергиты Ларисæ куы бакодта, уæдæй нырмæ сын сæ хъару
æмæ зонд равдисынæн фылдæр фадæттæ фæци.
Сечъынаты Элитæ, Дыгурон паддзахадон
драмон театры: «Бирæ ног ивдзнæдтæ æрцыд театры. Уыцы хорздзинæдтæ
иууылдæр сты Гергиты Ларисæйы фæрцы. Уый архайы театры репертуар
фæхъæздыгдæр кæныныл».
Хамыхъоты Дзембат, актер: «Театралон
сезон райдайын зын вæййы, уый фæстæ куысты бацæуæм. Ныр цæттæ стæм,
фæнды нæ адæмæн циндзинад лæвар кæнын».
Дыгурон театры актертæ тынг зæрдиагæй
бакуыстой, спектакль театрдзаумæ фæхæццæ кæныныл. Банкъардтой йын йæ
мидис, æмæ сæ фæндыд спектакльмæ æрбацæуджытæн дæр бамбырын кæнын,
пьесæйы уарзондзинад стыр бынат кæй ахсы, уый. Кæмдæриддæр ыл кæй
сæмбæлдзæн адæймаг. Ног спектакльтæ сæвæрынæй уæлдай ма театры
разамындмæ ис фæндтæ.
Гæлæуты Анатолий, Дыгурон паддзахадон
драмон театры директор: «Гергиты Ларисæ баныхас кодта Санкт-Петербурджы
университеты разамындимæ æм хъуамæ иннæ азæй фæстæм нæ фæсивæдæн фадат
уа ам уæвгæйæ уым ахуыр кæны. Ардæм сæм цæудзысты ахуыргæнджытæ æмæ сын
лæвар кæндзысты сæ зонындзинæдтæ».
Сезоны фыццаг спектакль ацыд. Актертæ
куыд сæ бакастæй афтæ сæ хъазтæй дæр уыдысты фæзминаг. Дыгурон
Паддзахадон театр та радон хатт равдыста, кусынхъом кæй у, уый.
