Æнæ маскæтæй æмæ æрмкъухтæй, хойраджы продукттæ кæм уæй кæнынц, уырдæм нæ уадзынц.
Уæвгæ, рейдтæ арæзт цæуынц алы бон дæр. Уыимæ, канд горæты нæ, фæлæ республикæйы районты дæр. Ивгъуыд фæлладуадзæн бонты ведомствоты хсæн къамисы уæнгтæ бабæрæг кодтой Дыгуры район. Федтой базарадон объектты куыст. Бæлвырддæр та дзы æдасдзинады мадзæлттæ куыд æххæст кæнынц, уый.
5 боны фаг маскæтæ, æрмкъухтæ æмæ дезинфекцион фæрæзтæ, тæвдбарæн æмæ сæрмагонд журналтæ. Уыдон сты алы дуканийы дæр æнæмæнг хъæугæ æдасдзинады фæрæзтæ. Ведомствоты хсæн сæрмагонд къамисы уæнгтæ ма бæрæг кæнынц, социалон дистанцийæн дзы хæххытæ ис, æви нæ, уый. Дыгуры районы зындгонддæр базарадон объектты алы дукани дæр иннæмæй хицæнгонд у. Йæ фæз дæр 300 квадратон метрæй фылдæр нæу. Уымæ гæсгæ сын кусыны бар ис.
Æнæ маскæтæй æмæ æрмкъухтæй, хойраджы продукттæ кæм уæй кæнынц, уырдæм нæ уадзынц.
Цавæрдæр аххосæгтæм гæсгæ искæмæ маскæ æмæ æрмкъухтæ куы нæ уа, уæд сын сæ байуарынц. Бацæуæны ис дезинфекцион таддаг, къухтæ сæрфынæн. Районты хсæн къамис бæрæг кæны фæлладуадзæн базæтæ дæр. Уыдон ныртæккæ сты æхгæд, цалынмæ се скусыны тыххæй сæрмагонд уынаффæ нæ рацæуа, уæдмæ.
Бæрæггæнæн куыст цæуы дарддæр, зæгъынц ведомствоты. Рагагъоммæ хъусынгæнинагмæ гæсгæ ахæм фæтк уыдзæн 14-æм июньмæ.
