Районы сæргълæууæг Цагъаты Сосланы ныхæстæм гæсгæ, иумæйаг фæндтæн, иумæйаг хъаруты фæрцы цæрды сæ бынат æнæ ссаргæ нæй
Фæстаг рæстæг хуыздæр кæнынц Ирыстоны районты цæрджыты авналæнтæ. Цы арæзтæдтæ дзы конд цæуы, уыдон дисы фтауынц сæ нырыккон проекттæй. Сосранты Жаннæ афæлгæст Дыгуры районы хъуыддæгтыл, хæссæм сæ сымах размæ дæр, нæ равдыстмæ кæсджытæ.
Сæ ног азы лæвæрттыл цин кæнынц Дыгуры районы цæрджытæ. Раздæры уæгъд быдыры цы диссаджы райдзаст бæстыхай амад æрцыд, уый фæрцы сфæлдыстадмæ æмхиц адæмæн фестырдæр сты сæ авналæнтæ.
Дигорайы культурæйы галауаны хайæдтæй уæлдай ма центры æрбынæттон Дыгуры районы центрон чиныгдон. Ам дæр сæ сæйрагдæр цин у сæ фезмæлæнтæ кæй фæфылдæр сты, ууыл.
Ацы кърант бирæ хæттыты сси Дигорайы дыууæуæладзыгон хæдзæрттæй иуы цæрджыты ирвæзынгæнæг. Дон кæртæй дарддæр , никуыдæм хæццæ кодта. Цæголты Людмилæ йæ райгуырдæй цæры Дигорайы, æма нæ хъуыды кæны афтæ парахатæй доны цыд.
Уæдæ хæдзары хъарм куы уа, дон фæндон куы уайа , уæд адæймагæн æхцондзинад хæссы йæ алфамбылайы райдзастдзинад дæр. Дигорайы цæрджытæ Ног азмæ бакъахдзæф кодтой диссаджы аив фæлладуадзæн бынæттимæ. Дисы æфтауынц сæ цымыдисаг проекттæй. Уæдæ дзы радиойы зæлтæ дæр хъуысынц. Ахæм уавæртæ, Дигорайы цæрджытæм , кæсынц аргъауау.
Владимир у ацы паркмæ цæстдарæг, æмæ йын æхцондзинад хæссы , Дигорайы цæрджытæ дæр се вæрæн кæй хæссынц алфамбылайы райдзастдзинадмæ, уый.
Куыд дарддæр афтæ фылдæр, Федералон, националон программæты архайды фæрцы Дыгуры районы цæрджытæ.
Дыгуры районы сæргълæууæг Цагъаты Сосланы ныхæстæм гæсгæ, иумæйаг фæндтæн, иумæйаг хъаруты фæрцы цæрды сæ бынат æнæ ссаргæ нæй. Хъуамæ районы цæрджытæн уа гæнæнтæ æмæ уæрæх авналæнтæ райдзаст фидæн аразынæн.
