филиал вгтрк государственная телерадиовещательная компания “Алания”

13:27 четверг, 10 июля 2025
11 июня 2014, 11:18
Дыгуры районы ахуыргæнæндæттæ электрон тыхæй бахъахъхъæныны домæнтæ æххæстгонд цæуынц хорз

Цæгат Кавказмæ электрон тыхдæттæг компанийы цæгатирыстойнаг филиалы, стæй ахуырады æмæ наукæйы министрады минæвæрттæ сбæлвырд кодтой, Дыгуры районы ахуыргæнæндæтты

Дыгуры районы ахуыргæнæндæттæ электрон тыхæй бахъахъхъæныны домæнтæ æххæстгонд цæуынц хорз
Цæгат Кавказмæ электрон тыхдæттæг компанийы цæгатирыстойнаг филиалы, стæй ахуырады æмæ наукæйы министрады минæвæрттæ сбæлвырд кодтой, Дыгуры районы ахуыргæнæндæтты электрон тыхæй бахъахъхъæныны домæнтæ куыд æххæстгонд цæуынц, уый. Æдæппæтæй дзы ис 15 ахæм объекты. Сæ уавæрæй къамисы уæнгтæ разыйæ баззадысты.

Электрон тыхæй хи хъахъхъæнын куыд хъæуы, уый Николаевскæйы скъолайы зонынц хистæртæ дæр æмæ сывæллæттæ дæр. Уый тыххæй информаци ис стендтыл. Æдасдзинады фарстаты профилактикæйыл ахуыргæнæндæтты цы куыст цæуы, ууыл дзуры ахуырады æмæ наукæйы министрады специалист Хамыхъоты Барис.

Хамыхъоты Барис, РЦИ-Аланийы ахуырады æмæ наукæйы специалист: «Сæ ахуыргæнджытæ сæхæдæг ахуыр кæнынц, цæмæй сывæллæттæн сæ зонындзинæдтæ радтой, хи бахъахъхъæнын куыд хъæуы алы фыдбылызы хъуыддæгтæй».

Инструктажмæ уæлдай цæстдард вæййы сæрдыгон фæлладуадзæн рæстæджы афон – скъолаты лагерьтæ кусын куы райдайынц, уæд. Электрон тыхы объекттыл æдасдзинады фарстатыл дзуапп дæттынц районты электрон тыхдæттæг куыстуæттæ.

Ахуыргæнæндæтты территорийыл сывæллæтты, фыццаджыдæр, хъахъхъæнын хъæуы трансформатортæй. Æдасдзинады домæнтæм гæсгæ дзы хъуамæ æвæрд уой гуыдыртæ æмæ сæрмагонд нысантæ. Ацы объектыл та ма айстой асин дæр, цæмæй сывæллæттæн сæ бон дæлстанцæйы отсекмæ схизын ма уа, уый тыххæй.

10 мин Вольты тынгад. Ацы трансформатор электрон тыхæй æххæст кæны скъола, хъармгæнæн æмæ ахуыргæнæндоны алыварс уынджы рухс. Æдæппæтæй Дыгуры районы ис 15 ахæм объекты. Электрон тыхæй сæ æххæст кæны 7 дæлстанцæйы.

Дзалаты Батраз Дыгуры районы электрон тыхдæттæг куыстуаты разамонæг: «Абон се`ппæт дæр сты цæттæ, куыд æмбæлы, афтæ. Иу хатт ма сын бамбарын кодтам хи дарын куыд хъæуы, уый. Дуар гомæй куы феной, уæд махмæ æрбадзурой, цæмæй мах уыцы хъæндзинæдтæ иуварс кæнæм».

Дыгуры районы скъолаты цæттæдзинад бæлвырд кæнынц Цæгат Кавказмæ электрон тыхдæттæг компанийы цæгатирыстойнаг филиалы, стæй ахуырады æмæ наукæйы министрады минæвæрттæ. Сæ ныхæстæм гæсгæ, æдасдзинады фарстатыл сывæллæтты хъуамæ, фыццаджыдæр, ахуыр кæной бинонты `хсæн. Уый у æппæтæй ахадгæдæр профилактикон фæрæз.

Хъайтмазты Дзерассæ

темæмæ гæсгæ
vgtrk_alania
vgtrk_alania
vgtrk_alania
vgtrk_alania