Ацы мадзалæй байгом кодтой Фыдыбæстæ хъахъхъæнæджы аз дæр
Дыгуры районы кадджын уавæры сбæрæг кодтой Фыдыбæстæ хъахъхъæнæджы бон. Ацы мадзалæй байгом кодтой Фыдыбæстæ хъахъхъæнæджы аз дæр. Мадзалмæ æрбацыдысты районы администрацийы, æхсæнадон организациты минæвæрттæ, æфсæддон-интернационалисттæ, æвзонг хæстонтæ, скъолаты ахуырдзаутæ, бынæттон цæрджытæ. Кадджын уазджытæ систы, хъæбатырæй цы æмзæххонтæ фæмардысты, уыдоны хæстæджытæ. Мадзал бацæттæ кодтой Дигорайы 1-æм скъолайы педагогтæ æмæ ахуырдзаутæ. Æрхъуыды кодтой сæрмагонд æфсæддон операцийы, Фыдыбæстæйы Стыр хæсты æмæ Афганистаны хæсты хъæбатырты. Радзырдтой сын сæ царды æмæ хæстон фæндаджы историтæ. Равдыстой, сæ хъæбатырдзинадæн æмæ лæгдзинадæн æвдисæн чи сты, ахæм видеоæрмæджытæ æмæ хуызистытæ.
