Стæй ма сæм ис чъиритæ, цыхт æмæ æндæр ирон хæринæгтæ, алцы дæр нæ рагфыдæлтæ сæ куыд кодтой, афтæ
Дыгуры районы сбæрæг кодтой фестиваль ирон бæгæныйы уæлахиздзауы. Стæй ма сæм ис чъиритæ, цыхт æмæ æндæр ирон хæринæгтæ, алцы дæр нæ рагфыдæлтæ сæ куыд кодтой, афтæ. Сæ сугдзинæдтæ лæвæрд цæуынц фæлтæрæй фæлтæрмæ. Дурдурты Ларисæйæ фæстæмæ ма конкурсы архайдта 15 адæймаджы. Ирон бæгæныйы фестиваль æрæмбырд кодта фыццаг къæпхæны хуыздæр архайджыты. Алы Сатанамæ дæр ис бæгæны фыцыны йæхи сусæгдзинæдтæ. Жэрийы уæнгтæ сын аргъ кодтой цалдæр хуызмæ гæсгæ. Фæлæ загътой, фестивалы сæйраг нысан кæй у адæмы æнгомдзинад æмæ бæрæгбоны æнкъарæнтæ. Традицимæ гæсгæ сценæмæ рацыдысты бынæттон хихъæппæрисадон къордтæ. Хъæлæсты нымадмæ гæсгæ Дыгуры районы фыццаг бынат бацахста Мустыздæхы цæрæг Хъæдохты Аллæ. Дыккаг бынатмæ рацыд Дур-Дуры цæрæг Муриты Азæ æмæ æртыккагмæ та Хъарман-Сындзыхъæуæй Гузанты Зойæ. Ирон диаспорæйы минæвæрттæ сæ арæхстдзинад æвдисынц фæсарæнты Франци, Турчы æмæ Бельгийы дæр. Стæй Уæрæсейы регионтæ Мæскуы, Самарæ, Кæсæг-Балхъары æмæ Хъæрæсе-Черкессийы. Уæлахиздзаутæ сæ архæстдзинад æвдисдзысты финалы. Уыдзæн Дзæуджыхъæуы, 4-æм октябры ирон академион театры бæстыхайы.
