Радон ахæм мадзал арæзт æрцыд Дигорайы дыккæгæм скъолайы. Кадджын уазджытæ – Цæгат Ирыстоны æфсæддон операцийы ветеранты ассоциацийы сæргълæууæг, Магкæты Олег æмæ æфсæддон операцийы архайæг Царикъаты Алан.
Ахуырдзаутæ цымыдисæй хъуыстой æфсæддон операцийы нысанты тыххæй. Уазджытæ сын раарфæ кодтæй сæ зæрдиаг фыстæджыты æмæ гуманитарон æххуысы тыххæй. Сæ ныхæстæм гæсгæ – сæм сæ фыдыуæзæгæй цы хъармдзинад фæхæццæ вæййы, уый сын дæтты хъару æмæ ныфс. Фембæлды рæстæг Магкæты Олег Цæгат Ирыстоны æфсæддон операцийы ветеранты ассоциацийы æвдисæндар саккаг кодта сæрмагонд æфсæддон операцийы архайджытæ Годзойты Сослан æмæ Царикъаты Аланæн. Уæвгæ ацы фембæлд «Лæгдзинады урок», арæзт æрцæуы «Æппæтуæрæсеон адæмон фронт»-ы волонтер Годзойты Гурамы, Дыгуры районы «Фæсивæды социализацийы Центр «, стæй Дигорайы æмбырды минæвæртты сæрдар Гуцаты Оледжы хъæппæрисæй.
