Ацы аз районы администраци стыр æргом азæдæхта ахуырады фарстамæ. Æмæ 1-æм сентябры 2 мины æмæ 500 скъоладзауы бахиздзысты райдзаст кълæстæм.
Админисрацийы хъæппæрисæй, ныййарджыты æмæ амалхъом адæмы æххуысæй бындуронæй сцалцæг кодтой Мустыздæхы скъола дæр.
Мустыздæхы скъолайы райдиан кълæсты ахуыргæнæг Соскъиты Замирæ йæ кълас цæттæ кæны ног ахуыры азмæ. Ацы аз æм уыдзысты фыццагкъласонтæ. Ахуыргæнæг куыд зæгъы, афтæмæй кълас цæттæ у, хъæуы ма йæ гыццыл фæаивдæр кæнын
Сæрдыгон каникулты рæстæг Мустыздæхы скъола капиталон æгъдауæй сцалцæг кодтой. Баивтой бæстыхайы сæр, сæвæрдтой нырыккон рудзгуытæ. Директор …..Беллæ куыд зæгъы, афтæмæй сын баххуыс кодтой районы администраци, скъоладзауты ныййарджытæ æмæ спонсортæ.
Цæллаты Белла, Мустыздæхы скъолайы директор: «Ацы аз нын тынг баххуыс кодта завод. Стыр арфæ кæнын йæ разамындæн. Алы хатт дæр нынтынг баххуыс кæнынц. Тынг арфæ сын кæнын. Стыр куысчт нын скодтой».
4 азы размæ ацы скъолайы бындурыл байгом кодтой рæвдауæндоны дыууæ къорды. Уый сæ бон бацис скæнын оптимизацийы фæрцы. 11 къласы, бæсты дзы скъоладзаутæ ахуыр кæнынц 8-æм къласы онг. Дарддæр ахуыр кæнын кæй фæнды, уый та цæуы сыхаг Николаевкийы станицæмæ.
Цæллаты Беллæ, Мустыздæхы скъолайы директор: «Ацы аз нæм уыдзæн 63 ахуцырдзауы. Уымæй уæлдай ма нæм байгом сывæллæтты рæвдауæндон дæр. Æмæ дзы ис 46 сывæллоны. Мæ бон зæгъын у æмæ скъола æмæ рæвдауæндон сты рæвдз 1-æм сентябрьмæ».
Дыгуыры районы ахуырыады хайады нын куыд загътой, афтæмæй ног ахуыры азмæ æппæт скъолатæ æмæ рæвдауæндæттæ сты цæттæ.
Къорнаты Вадим, Дыгуры районы администрацийы ахуырады управленийы хицау: «Дыгуыр рай оны ис 10 рæвдауæндоны æмæ уыдонæй 2-йы цæуы куыст. Иннæтæ сты цæттæ. Уымæй уæлдай ма нæм ис 10 скъолайы æмæ сеппæт сты цæттæ. Уыы скъолатæм æрбацæудзæн 2500 сывæллоны».
Скъолаты цæттæдзинад ног ахуыры азмæ бæрæг кæны сæрмагонд къамис. Сæ куыстмæ йæ цæст дары Дыгуыры районы администрацийы сæргълæууæг. Хъæндзинад сбæрæг кæнгæйæ сæ уыцы рæстæг иуварс кæнынц.
Афтæмæй 1-æм сентябры 2 мины æмæ 500 скъоладзауы бахиздзысты райдзаст кълæстæм. Ацы аз Дыгуры районы скъолаты ахуыр кæндзысты Украинæйæ лыгъд 19 сывæллоны дæр .
