Знон федта хъæууонхæдзарадон æмæ промышленнон куыстуæттæ.
Абон та Цæгат Ирыстоны Сæргълæууæгимæ бабæрæг кодта сывæллæтты республикон клиникон рынчындон. Нæ республикæйы æнæниздзинадхъахъхъæнынады министр Владимир Селиванов радзырдта, рынчындоны хæринаггæнæн блок цалцæггæнинаг кæй у, уый тыххæй.
Абон та Цæгат Ирыстоны Сæргълæууæгимæ бабæрæг кодта сывæллæтты республикон клиникон рынчындон. Нæ республикæйы æнæниздзинадхъахъхъæнынады министр Владимир Селиванов радзырдта, рынчындоны хæринаггæнæн блок цалцæггæнинаг кæй у, уый тыххæй. Ацы объект æмæ ма инфекцион хайад дæр хаст æрцыдысты «Уæрæсейы Хуссар хайы» федералон программæмæ. Ныртæккæ æмбæлгæ гæххæттытæм кæсынц федералон ведомствойы. Рынчындоны инфекцион хайад сцалцæг кæнынæн хъæуы фондз сæдæ æртын аст милуан сомы. Уыдонæй 60 милуаны ацæудзæн æрмæстдæр хæринаггæнæн блокыл. Лев Кузнецовæн ма равдыстой хирургон хайад дæр. Эксплуатацийы йæ радтой афæдзы размæ. Бындуронæй йæ сцалцæг кодтой, æнæниздзинадхъахъхъæнынад ног хуызы рацаразыны программæмæ гæсгæ. Ныртæккæ ам ис ног медицинон кусæнгæрзтæ æмæ нырыккон палатæтæ. Дыууæ азы размæ та сын ацы программæмæ гæсгæ радтой компьютерон томограф. Лев Кузнецов æмæ Мамсыраты Таймураз федтой палатæтæ æмæ процедурон кабинеттæ.
Фæстæдæр та бабæрæг кодтой дондзæуæн «Фæныкдоны Суадоны» сæйраг объект. Уый фæрцы хæрзад нуазыны дон хæццæ кæндзæн Рахизфарсы æмæ Горæтгæрон районты хъæутæм.
