филиал вгтрк государственная телерадиовещательная компания “Алания”

Цæрджытæ сæхæдæг куыд зæгъынц, афтæмæй ахæм æрдзон фæзындæн æвдисæн фыццаг хатт уыдысты. Хъыгдард баййæфтой Хурыхъæу, Павлодольскийы станица æмæ Советскийы поселок. Фæлæ фылдæр зиантæ та æрхаста Винограднæйы хъæуæн. Хъыгдард дзы баййæфтой æртын цæрæн хæдзары, скъола æмæ рæвдауæндон. Ныртæккæ дзы цæуынц æрдзон фыдбылызы фæстиуджытæ аивурс кæныны куыстытæ.

5 минуты фаг уыд, цæмæй Мæздæджы районы æрдзон фыдбылыз адæмы исбонæн æмæ быдыртæн зиан æрхæсса, уымæн. Тыхджын дымгæ, къæвда æмæ ихимæ афæлдæхтой бæлæстæ, систой хæдзары сæртæ. Фыдбылыз æрцыд 13-æм майы.

Кокойты: «Къæвда уыдис, дымгæ, их. Æмæ нын нæ хæдзары сæр систа æмæ сæ фæндагмæ акалдта. Хæдзары сæр ныккалд иууылдæр. Цæрæм машинæйы».

Цæрджытæ сæхæдæг æмæ сæрмагонд къордтæ архайынц æрдзон фыдбылызы фæстиуджытæ аиуварс кæныныл. Æххуыс цæуы республикæйы хицауадæй. Куыстытæм йæ цæст дары Мæздæджы районы администрацийы сæргълæууæг Рубайты Владимир йæхæдæг.

Рубайты Владимир, Мæздæджы районы администрацийы сæргълæууæг: «Фылдæр бæллæх ацы хъæуыл æрцыд. Ныппырх кодта хæдзæрттæ, забортæ, бæлæстæ. Электрон тых, газы хæтæл, иууыл дæр пырх сты. 7 хъæуы, фесæфтысты сæ хæдзары сæртæ. Адæм æрæмбырд сты æмæ кусынц ам».

Æрдзон фæзынд зиан æрхаста Мæздæджы районы хъæууон хæдзарадæн дæр. Мæнæу, рапс, нартхор, лыстæг гæн, æрыскъæф, дыргъдæттæ æмæ халсартæ.

Джиоты Аслан, Зæхкусæг: «Ам нын уыд сагъд джитри – гектра. Фале пъæмидор гектар æмæ æрдæг. Æмæ дзы ницыуал баззад. Хъуамæ къуырийы фæстæ уæй кодтаиккам. Фæлæ ныр цы ауæй кæнæм уый нал ис. Æфсæйнаг мæ кæй искæй хъæуы. Мæнæ ацы `рдыгæй дæр пъæмидор, картоф иу гектар. Уыд нал ис, дон сæ фæласта. Уыдис нæм хъæдындз сагъд дæр, уый дæр нал ис. Уæртæ ма дзы цыдæр халл баззад ис. Æндæр дзы ницыуал ис».

Уавæр бынаты равзарыны тыххæй арæзт æрцыд сæрмагонд къорд. Хъæууон хæдзарады министрады специалисттæ куыд сбæрæг кодтой, афтæмæй тыхджын уарынтæ зиан æрхастой дæсгай милуан сомы аргъæн. Фæлæ хæдзарæдты разамонджытæ сæ фæллæйттæ нæ бафæдзæхстой.