филиал вгтрк государственная телерадиовещательная компания “Алания”

Цæгат Ирыстоны ахуырады æмæ наукæйы министрады æмæ республикæйы ахуыргæнджыты зонындзинæдтæ фылдæргæнæн институты æххуысæй, Дзæуджыхъæуккаг епархийы дины ахуырады æмæ катехизацийы хайады хъæппæрисæй арæзт æрцыд педагогикæйæ Æппæтуæрæсеон конкурс «Нравственный подвиг учителя»-йы регионалон къæпхæн. Архайдтой дзы уæлдæр, астæуккаг æмæ дины скъолаты, гимназты, лицейты ахуырæнджытæ, стæй ахуыргæнджыты зонындзинæдтæ фылдæргæнæн институты кусджытæ. Се ппæт дæр бацæттæ кодтой куыстытæ фæсивæды æмæ скъоладзауты дины ахуырады æмæ граждайнаг-патриотон хъомылады тыххæй.

Конкурс у æрвылазон. Цæгат Ирыстоны уыд 9-æм хатт. Ацы аз алыхызон номинациты уæлахиздзаутæ систы Мæздæджы районы Троицкæйы 2-м скъолайы ахуыргæнæг Мария Маковская, Михайловкийы скъолайы ахуыргæнæг Баликъоты Альбинæ, æмæ Дзæуджыхъæуы 2-æм скъолайы ахуыргæнæг Наталья Сидорова. Радтой сын Кады грамотæтæ. Ацы уæлахиз сын радта конкурсы Цæгат Кавказы зылды къæпхæны архайыны бар.

Фыд Савва, Дзæуджыхъæуккаг æмæ Алайнаг епархийы нымæрдар: «Ацы конкурс тынг ахъаз у хъомыладон фарстатæн. Ахуыргæнджытæ та æрвылбон кусынц сывæллæттимæ æмæ уыдонæй аразгæ у нæ рæзгæ фæлтæр цæуыл а хуыр уыдзысты, уый. Кæстæртæн та сæ гыццылæй хъæуы амонын цы æмæ куыд кæнгæ у. Цы хæзнатæ ис царды, хорз æмæ æвзæр. Кусын хъæуы, цæмæй сæ миддуне кæна хъæздыгдæр».