13 мая 2014, 17:28
Дзæуджыхъæуккаг сылгоймаджы хъæппæрисæй æмбырд кæнын райдыдтой гуманитарон æххуыс Украинæйы цæрджытæн
Донецкы æхсæнадон-политикон уавæр раздæрау у карз. Уæрæсейаг адæм иуварс не сты, æмæ æрвылбон дæр алы регионтæй Донецкмæ æрвитынц гуманитарон æххуыс, уыимæ Цæгат Ирыстонæй дæр.

Донецкы æхсæнадон-политикон уавæр раздæрау у карз. Уæрæсейаг адæм иуварс не сты, æмæ æрвылбон дæр алы регионтæй Донецкмæ æрвитынц гуманитарон æххуыс, уыимæ Цæгат Ирыстонæй дæр. Ис ахæм адæймæгтæ сæхи хъæппæрисæй чи æмбырд кæны æххуыс. Сæ иу Галазты Людмилæ. Одессæйы цы цаутæ цæуы, уыдонмæ бакæсгæйæ сылгоймаг йæхицæн загъта, раздæрау цæрын йæ бон кæй нал бауыдзæн, æмæ сфæнд кодта гуманитарон æххуыс сæмбырд кæнын, цæмæй тыхст адæмæн иу гыццыл сæ уавæр фæрогдæр уа. Райдыдта аптекæтæм дзурын, æмæ хъуыддаг æмбарын кæнын. Нырма уал йе ргом раздæхта æрмæстдæр иу фармацевтон хызы хицау. Бацагуырдта хосты номхыгъд, æмæ зæрдæ бавæрдта баххуыс кæнынæй. Уымæй уæлдай, Людмилæ æмбырд кæны æхца дæр, продукттæ балхæнынæн. Йæ фæндоны тыххæй фехъусын кодта социалон хызты дæр, цæмæй фылдæр адæм базона, уый тыххæй. Фæлæ нырма йе ргом ничи здахы. 4 бонмæ йæ къухы бафтыд æрмæстдæр 14 мины æрæмбырд кæнын. Цæгат Ирыстоны цæрджытæ цæмæдæр гæсгæ, нæ тагъд кæнынц Людмилæйы уæлхъус балæууынмæ. Æхца æрвитынц æндæр регионтæй, стæй суанг æндæр бæстæтæй дæр. Афтæ, йæ сывæллæтты иунæгæй чи хъомыл кæны, ахæм сылгоймаг Мæскуыйæ. Бинонтæн æнæмæнг чи уыдысты, уыцы æхца сылгоймаг арвыста Украинæйы цæрджытæн.
Уæвгæ, Цæгат Ирыстон ныридæгæн дæр баххуыс кодта Украинæйæн. Хæстон цаутæ цы регионты цæуынц, уырдæм æнæниздзинадхъахъхъæнынады министрад арвыста цалдæр тоннæйы медикаменттæ. Фæлæ ууыл не рлæудзысты. Ноджыдæр ма æрвитдзысты гуманитарон æххуыс.

темæмæ гæсгæ