13 августа 2014, 17:30
Дзæуджыхъæуы 1-æм автовагзал кусы йе рвылбоны фæткмæ гæсгæ
Куыд ма хъусын кодтам, афтæмæй йын знон пъырыстыфты федералон службæйы кусджытæ баурæдтой йæ куыст. Цасдæр рæстæджы размæ прокуратурæ куыд сбæрæг кодта, афтæмæй Федералон закъоны домæнтæм гæсгæ автовагзалы æххæстгонд нæ цыдысты антитеррористон æдасдзинады фарстатæ.
Дзæуджыхъæуы 1-æм автовагзал кусы йе рвылбоны фæткмæ гæсгæ. Куыд ма хъусын кодтам, афтæмæй йын знон пъырыстыфты федералон службæйы кусджытæ баурæдтой йæ куыст. Цасдæр рæстæджы размæ прокуратурæ куыд сбæрæг кодта, афтæмæй Федералон закъоны домæнтæм гæсгæ автовагзалы æххæстгонд нæ цыдысты антитеррористон æдасдзинады фарстатæ. Хъуыддаг лæвæрд æрцыд Советон тæрхондонмæ æмæ дзы рахастой уынаффæ, куыстуат сæхгæнын. Кусджытæ уыимæ не сразы сты æмæ 9-æм июлы Дзæуджыхъæуы автовагзалты иугонд аппеляци балæвæрдта республикæйы уæлдæр тæрхондонмæ. Фæлæ сын абоны уæнг ницы уынаффæ рахастой. Республикæйы сæйрагдæр транспортон куыстуаты уавæрмæ ныртæккæ йæ цæст дары Цæгат Ирыстоны хицауад. Абон хъуыддагыл бæстон æрдзырдтой Базраты Валентины разамындæй æвæстиатæй цы æнæрадон æмбæрд сарæзтой, уым. Рахастой уынаффæ – рæстæгмæ уал автовагзалы антитеррористон æдасдзинады системæйыл кусдзысты Дзæуджыхъæуы аэропорты специалисттæ. Уый тыххæй абон бафыстой бадзырд.
темæмæ гæсгæ
