филиал вгтрк государственная телерадиовещательная компания “Алания”

Фыссынц фæндæгтыл цы æгъдаухæлдтытæ æрцæуы, уыдон иууылдæр. Зæгъæм, цас æмбæлы, уымæй тагъддæр чи фæцæуы, кæнæ сырх рухсыл чи рацæуы, уыдон хыгъд æрцæуынц видеофиксаторыл. Аппараттæ сæвæрдтой Æрхонкæмæ æмæ Джызæлмæ фæзилæнты, Карцайы фæндагыл, Мæскуыйаг уынджы фæндагыл, стæй Пожарскийы æмæ Тельмæны уынгты. Ногдзинад арæзт у, программæ «Æдас республикæ» æххæст кæнгæйæ. Видеофиксатортæ æвæстиатæй информаци дæтдзысты фæндаггон æгъдаухæлдтытæ кæм бæрæг кæнынц, уыцы центрмæ. Специалисттæ куыд зæгъынц, афтæмæй сæрмагонд модулы фæрцы æнцондæр ссарæн уыдзæн агуырды цы машинæтæ сты, уыдон дæр. Комплекстæ кусын райдайдзысты ацы къуыри.