филиал вгтрк государственная телерадиовещательная компания “Алания”

Ног аз бæллицтæ æххæстгæнæг рæстæг у, зæгъгæ, хуымæтæджы нæ фæзæгъынц. Дзæуджыхъæуы 28 бинонтæн рауад дывæр бæрæгбон, бафтыд сыл.

Дзæуджыхъæуы фыццæгæм арæндоны Ног азы фыццаг бон дунемæ фæзынд авд ноггуырды. 2013-æм азы фыццаг сывæллон дæр райгуырд ам. Амондджын мад йæ ноггуырды федта Ног азы æхсæв, 12 сахаты æмæ 5 минутыл. Лæппуйыл сæвæрдтой ном Таймураз. Дыккæгæм арæндоны дæр райгуырд авд сабийы. Фæлæ ам, фыццаг ноггуырд дунемæ фæзынд райсомы рдæм. Туатæ сæ фыццаг сывæллоныл сæвæрдтой Æхсар. 1-æм январы ныййарджытæн раарфæ кодта горæты администраци. Балæвар сын кодтой телевизортæ. Дзæуджыхъæуы сæргълæууæг Дзантиаты Сергейы фæндонмæ гæсгæ, ахæм лæвæрттæ ноггуырдтæн æмæ сæ ныййарджытæн кæнынц ныр æртæ азы.