Архайынц дзы Цæгат Кавказы Федералон зылды, Эстонийы, Хуссар Ирыстоны республикæйы гимнасткæтæ.
Дзæуджыхъæуы 5-æм хатт арæзт æрцыд
чемпионат аивадон гимнастикæйæ. Уый нæ республикæйы спортивон цардæн у стыр
цау. Чемпионат у æппæтадæмон. Архайынц дзы Цæгат Кавказы Федералон зылды,
Эстонийы, Хуссар Ирыстоны республикæйы гимнасткæтæ. Аивадон спортивон ерыс
федта не сфæлдыстадон къорд дæр. Моргуаты Ладæ радзурдзæн бæлвырддæр.
Ацы спортивон ерыс банымайæн ис
культурон цауыл дæр. Гауызыл обручь æмæ
лентытимæ алыхуызон фæлварæнтæ дисы фтауынц спортуарзджыты. Дзæуджыхъæуы
гауызыл ныр дыккаг хатт йе спортивон
æнтыстдзинæдтæ æвдисы Иринæ Анненкова. Уыимæолимпаг хъæзтыты æвзонг чемпионкæ, Уæрæсейы Дунеон къласы спорты мастер
бафиппайдта цæгатирыстойнаг гимнасткæты курдиат.
Ацы чемпионаты архайынмæ сæхи хорз
бацæттæ кодтой Цæгат Кавказы Федералон зылды, Эстонийы æмæ Хуссар Ирыстоны спортсменкæтæ. Æдæппæтæй 400 чызджы.
Йæхи ныр чи райдыдта фæлварæн, уыдоны фæнды разряд райсын, фæлтæрдджынтæ та тох
кæнынц спорты мастеры ном райсыныл, стæй, кæй зæгъын æй хъæуы, уæлахиздзау
суæвыныл. Ахæм ерыстæ рагæй арзæт нæ цыдысты, уымæ гæсгæ чызджытæн ацы
чемпионат, канд ерыс нæу, фæлæ бæрæгбон.
11-аздзыд Тедеты Алисæйæн уæлахизмæ фæндаг нырма ныр
райдыдта, фæлæ аивадон гинастикæйы зын фæлварæнтæм арæхсы. Уый къухы æнтысы
фæллойы руаджы.
Аивадон композицимæ хауы нырыккон кафт, спортивон гимнастикæ
æмæ классикон хореографи. Чызджытæ сæ арахстдзинадæй дисы бафтыдтой жюрийы
уæнгты.
Дыууæ боны аивадон гимнасткæтæ се спортивон цæттæдзинад
æвдисынц хицæн программæйы. Райсом та сæ
хъæудзæн сæ архæстдзинад равдисынкъордгай кафты.
