Журналисттæн радзырдта, хæстæгдæр рæстæг Дзæуджыхъæуы æддаг бакаст куыд аивдзæн, уый. Ног фæндæгтæ, фæлладуадзæн бынæттæ, Сабырдзинады проспект. Пресс-туры рæстæг фыццаг æрлæууыдысты проспекты.
Иннæ объект та уыди – терренкур. Нырма нæ байгом и, фæлæ адæм сæ зæрдæ дарынц, Дзæуджыхъæуы рæсугъддæр бынæттæй иу кæй суыдзæн, ууыл. Бындур æвæрд уал дзы æрцыди фистæгæй цæуджыты æмæ велосипедистты фæндагæн.
Фæстæдæр бабæрæг кодтой Весеннийы уынг. Æрæджы дзы райдыдтой фæндаг уæрæх кæнын. Ивд æрцæудзысты трамвайты фæндæгтæ, стæй канализацион коллектор. Ног фæндаг кусын куы райдайа, уæд дзы машинæтæ нал æмбырд кæндзысты.
Фæстагмæ пресс-туры архайджытæ æрлæууыдысты, Дзæуджыхъæуы цæгатаг фарсы кæрон цы ног микрорайон уыдзæн, уым. Бизнес-центртæ, цæрæн хæдзæрттæ, æртæ рæвдауæндоны, æмæ парк. Ныридæгæн проектмæ се ргом здахынц уæрæсеаг инвестротæ. Проект царды рауадзынæн хъæуы стыр æхцатæ. Фæлæ Дзæуджыхъæуы разамынд куыд зæгъы, афтæмæй цы æхца хардзгонд æрцæуа, уыдон уый фæстæ бирæ фылдæр пайда æрхæсдзысты.
