филиал вгтрк государственная телерадиовещательная компания “Алания”

Дзæуджыхъæуы аэропорт фæуæрæхдæр кæндзæн йæ рейсыты географи.

Ууыл ныхас кодтой республикæйы Сæргълæууæг Битарты Вячеслав æмæ æнæххæстбарджын æхсæнад «Новапорт Холдинг»-ы директорты советы сæрдар Роман Троценко, стæй компанийы генералон директор Сергей Рудаков. Фембæлды ма архайдтой холдингы цæгаткавказаг кластеры разамонæг Роман Чуев. «Новапорт»-мæ хаст æрцыд Уæрæсейы 14 регионалон аэропорты. Февралы кæрон ма сæм бацыд Дзæуджыхъæуы æппæтадæмон аэропорт дæр. Сыхаг республикæты минæвæрттæ дзы активонæй кæй пайда кæнынц, уый тыххæй Битарты Вячеслав бахаста фæндон, рейсыты географи фæуæрæхдæр кæнын. Зæгъæм, Сочимæ, Краснодармæ, Ростовмæ æмæ Симферопольмæ. Уымæй дарддæр, сезонмæ гæсгæ, фæфылдæргæнæн ис Туркмæ æмæ Иугонд Араббаг Эмиратты курорттæм рейсытæ дæр. Фидæны ма нысан кæнынц хæдтæхджытæ Фæскавказмæ æрвитын. Ацы аз хъуамæ 15 проценты фæфылдæр уа бæлццæтты нымæц. 2020-æм азы та аэропорт «Дзæуджыхъæу»-æн фæзындзæн ног экономикон уавæртæ, æмæ йе фтиæгтæ зынгæ фæфылдæр уыдзысты. Хæстæгдæр æртæ мæйы саразын хъæуы бæлвырд куысты пълан, аэропорты рæзтæн 10 азмæ. 2021-æм азы та нæ республикæйы аэропорт сног кæндзысты бындуронæй.