20 декабря 2013, 14:19
Дзæуджыхъæуы ахуырады райрæзтæн 3 миллиард сомы радих кæндзысты горæты бюджетæй
Уый тыххæй фехъусын кодтой горæты минæвæртты æмбырды. Финансты управленийы разамонæг Цохъты Хъазыбег йæ доклады куыд радзырдта, афтæмæй 2014 азы бюджеты æфтиагтæ хъуамæ уой 3 миллиард 500 милун сомы.
Уый тыххæй фехъусын кодтой горæты минæвæртты æмбырды. Финансты управленийы разамонæг Цохъты Хъазыбег йæ доклады куыд радзырдта, афтæмæй 2014 азы бюджеты æфтиагтæ хъуамæ уой 3 миллиард 500 милун сомы. Хæрдзтæ та – 300 милун сомы фылдæр. Нысангонд цæуы муниципалон фæндæгты фонд саразын дæр. Уымæн бахъæудзæн 14 миллуан сомы. Фидæны аз ма æххæстгонд æрцæуæдзысты нысанмæ арæзт ведомствæты 33 программæйы.
Æмбырды сфидар кодтой фидæны азы горæты фæлгонцы пълан. Афæдзы райдиан райсдзысты ног техникæйы 60 иуæджы. Горæты сыгъдæгдзинадæн дзуапп дæтдзæн «Владэкосервис». Горæты минæвæрттæ æмбырды ма загътой «Владгорсервис» приватизаци кæнын кæй нæй, уымæн æмæ йын ис ахсджиаг социалон нысаниуæг. Рухс дæтты горæты уынгтæм.
темæмæ гæсгæ
