филиал вгтрк государственная телерадиовещательная компания “Алания”

Ныфс. Хæлардзинад. Цыргъзонд. Дзæуджыхъæуы арæзт æрцыд æвдæм æппæтадæмон турнир интеллектуалон хъæзтытæй. 6 командæйы Цæгат æмæ Хуссар Ирыстонæй, Абхазæй, Дагестанæй, Хъæрæсе-Черкесийæ æмæ Волгоградæй тох кодтой чемпионы ном райсыныл. Фестиваль уыд æртæ интеллектуалон хъазтæй арæзт. Фыццаг хъазт «Цы? Кæм? Кæд?»-ы фыццаг бынат бацахста Волгограды командæ, дыккаг бынаты аккаг сси нæ республикæ, æртыккаг бынат та рамбылдта Дагестаны командæ «Лингво». Дыккаг хъазт уыд «Своя игра». Ам уæлахиздзау сси Дмитрий Куцевляк Цæгат Ирыстонæй, дыккаг æмæ æртыккаг бынæттæ рамбылдтой Волгограды командæйы минæвæрттæ. Финалон хъазт та уыд «Брейн-ринг». Уым уæлахиздзау сси Волгограды иугонд командæ. Дыккаг та цæгатирыстойнаг «Альбус». Æртыккаг бынат саккаг кодтой Дагестаны командæйæн. Фестиваль арæзт æрцыд интеллектуалон клуб «Альбус»-ы æмæ фæсивæды хъуыддæгты, физкультурæ æмæ спорты министрады хъæппæрисæй.