Терчы былгæрон æрæмбырд цалдæр сæдæ адæймаджы – фæсивæды минæвæрттæ.
Кæрæдзийы сахуырстой алыхуызон ахорæнтæй. Ахæм акцитæ арæзт æрцыд бæстæйы бирæ горæтты. Уыцы традици Уæрæсемæ æрбацыд Индийæ. Бæрæгбон Холи вæййы уалдзæджы кæнæ сæрды. Ахорæнтæ нысан кæнынц сæрибардзинад, амонд æмæ уарзондзинад. 18 сахаты æмæ 30 минутыл чи æрæмбырд, уыдон иумæ уæлдæфмæ сæппæрстой сæ ахорæнтæ. Фестиваль æххæстгæнгæйæ, сæ курдиат равдыстой æрыгон зарæггæнджытæ. Акци арæзт æрцыд хъæппæрисджын фæсивæды къорды хъуыдымæ гæсгæ. Баххуыс сын кодтой фæсивæды хъуыддæгты, физкультурæ æмæ спорты министрад, стæй Дзæуджыхъæуы админситраци.
Куыдзойты Юрий, фестивалы аразæг: «Махмæ гæсгæ ацы фестиваль хъуамæ уа алы аз дæр. Æмæ хуыздæр куыд кæна. Фæсивæд нырма хорз нæ зонынц, сæхи куыд дарын хъæуы. Чидæртæ тæрсынц, фæлæ иннæты куы фенынц, уæд бацæуынц æмæ ахорæнтæй пырх кæнын райдайынц кæрæдзийы».
