филиал вгтрк государственная телерадиовещательная компания “Алания”

Бизнес æнæ арæнтæй. Дзæуджыхъæуы арæзт æрцыд, фæсарæнты æмгуыстад кæнынмæ цæттæ чи у, уыцы амалхъом адæмимæ æмбырд. Сарæзтой йæ экспортон кредиттæ æмæ инвестицитæ фæдзæхсыны Уæрæсейаг агентад «Эксар»-ы кусджыты хъæппрæисæй.

Внешэкономбанчы дæлбар куыстуат сæвзæрд 2 азы размæ. Раздæр, фæсарæнтæм йæ продукци чи æрвыста, уыдонæн æххуыс никæцæй цыд. Ныртæкæ та фæсарæйнаг клиенттæ сæ размæ æвæрд хæстæ куы нæ сæххæст кæной, уæд сын агентад сæ хæрдзтæ бафиддзæн. Экономисттæ куыд фæбæрæг кодтой, афтæмæй Уæрæсейы, уыимæ та Цæгат Ирыстоны дæр ис æппæт фадæттæ бизнес парахат кæнынæн. Сæ хъуыдымæ гæсгæ Цæгат Ирыстоны амалхъом адæм фылдæр æмгуыст кæнын райдыдтой фæсарæйнаг куыстуаттимæ.