Спортивон энергетиктæ. Дзæуджыхъæуы арæзт æрцыд Цæгат Кавказмæ электрон тыхдæттæг компанийы цæгатирыстойнаг филиалы спартакиадæ.
Архайдтой дзы республикæйы районты энергосистемæты, дæлстанцæты æмæ филиалы разамынды командæтæ. Ерыс кодтой спорты 7 хуызæй – мини-футболæй, рог атлетикæйæ, стъолы теннисæй, армрестлингæй, бæндæн ивазынæй, дартсæй æмæ шахматтæй. Ахæм спартакиадæ Цæгат Кавказмæ электрон тыхдæттæг компанийы цæгатирыстойнаг филиалы арæзт æрцыд фыццаг хатт. Архайдта дзы компанийы 200 кусæгæй фылдæр. Турнир аразджыты хъуыдымæ гæсгæ, ерыстæ фæахъаз уыдзысты кусджыты къорд фенгомдæр кæнынæн æмæ спорт парахат кæнынæн.
Лолаты Алан, Цæгат Кавказмæ электрон тыхдæттæг компанийы цæгатирыстойнаг филиалы директор: «Ацы ерыстæ уымæн хъæуынц, æмæ адæм сæ кæрæдзиимæ хæстæгдæр æмбарой, æмæ кæрæдзиуыл цин кæнынц, спортивон ерысты хатдзæгтæ нæ хынцгæйæ. Уый тыххæй сæ скодтам. Нæ куыст ацы хъуыддæгтæ хъуамæ бирæ хуыздæр уа, уымæн æмæ адæм куы бамбарынц, иу къорд сты, иу хъуыддаг кæнынц, уæд сæ куыс дæр хорз цæудзæн».
Дулаты Виктория, Цæгат Кавказмæ электрон тыхдæттæг компанийы цæгатирыстойнаг филиалы экономикон хайады хицау: «Рог атлетикæйы архайдзыстæм абон, нæхи тынг рæвдз кодтам, иу къуыри тахтыстæм. Нæ зæрдæ ис рамбулын, æмæ тынг архайдзыстæм».
