15 апреля 2014, 11:30
Дзæуджыхъæуы арæзт цæуы кинойы цы цæрæгойтæ хъазынц, уыдоны кинофестиваль
«Сызгъæрин ссыр». Ахæм сæргондимæ Дзæуджыхъæуы арæзт цæуы кинойы цы цæрæгойтæ хъазынц, уыдоны кинофестиваль. Йæ нысан у цыппаркъахыг цæрæгойтæм цымыдисдзинад сæвзæрын кæнын.
«Сызгъæрин ссыр». Ахæм сæргондимæ Дзæуджыхъæуы арæзт цæуы кинойы цы цæрæгойтæ хъазынц, уыдоны кинофестиваль. Йæ нысан у цыппаркъахыг цæрæгойтæм цымыдисдзинад сæвзæрын кæнын. 7 аивадон кинонывы равдисдзысты хистæртæн, дыууæ та сывæллæттæн. Иу кинонывы артисттæ Елизавета Боярская, Дарья Мороз æмæ Александр Лазаревимæ ахъаздзæн тути Савелий. Маргъ дзуры 5 æвзагыл, гæнæн ис, æмæ 6-æм уыдзæн ирон æвзаг. Иннæ цымыдисаг артист австралиаг куыдз Люк, у фароны кинофестивалы лауреат. 30 кинонывæй фылдæры архайдта гæды Кузя – Каземир Алмазов дæр.
Фестивалы уазджытæ сты артисттæ Анастасия Сиваева, Игорь Гаспарян, Габриэлла Мариани, стæй трюктæ æвæрæг Диамбегты Алан. Кинофестивальмæ æрбацæуджытæн ма радзурдзысты, кинойы цы цæрæгойтæ архайы, уыдоны цардæй цымыдисаг цаутæ. Кинофестиваль байгом уыдзæн абон æмæ ахæсдзæн къуыри.
темæмæ гæсгæ
