филиал вгтрк государственная телерадиовещательная компания “Алания”

Æвзæр чи уыны, уыцы сывæллæтты раст куыд ахуыр кæнын хъæуы? Ахуырыды кусджыты зонындзинæдтæ фылдæргæнæн институты цæуы сæрмагонд семинар-тренинг æвзæр чи уыны, уыцы сывæллæтты ныййарджытæн баххуыс кæныны тыххæй. Ахæм егъау ахуырадон курс бынæттон тифлопедагогтæн арæзт æрцыди фыццаг хатт. Ахуыр дзы кæнынц æвзæр чи уыны, уыцы сывæллæттимæ раст кусыныл. Курсытæ арæзт цæуынц ныййарджыты курдиатмæ гæсгæ, республикæйы ахуырад æмæ наукæйы министрады хъæппæрисæй. Семинары лекцитæ кæсы бæстæйы тифлопедагогикæйы хуыздæр специалисттæй иу, педагогон наукæты кандидат Венера Денисенко. Нысан кæны æвзæр чи уыны ахæм сывæллæттимæ хицæнæй фембæлын, æмæ сын сæ уавæр фæрогдæр кæнын. Профессор ма фæнд кæны дæсныйадæвдисæг ахуыртæ скæнын дæр. Радзурдзæн сæрмагонд кусæнгæрзтæй раст куыд пайда кæнын хъæуы, уый тыххæй. Уый фæстæ бабæрæг кæндзæн æвзæр чи уыны, уыцы сывæллæттæн сæрмагонд кълæстæ кæм байгом уыдзысты, уыцы скъола дæр.