Архайынц дзы республикæйы районты уæлæмхасæн ахуырады скъолаты хъомылгæнинæгтæ. 100 куыстæй конкурсы финалмæ рацыд 32, 10 номинацийы.
Архайынц дзы республикæйы районты уæлæмхасæн ахуырады скъолаты хъомылгæнинæгтæ. 100 куыстæй конкурсы финалмæ рацыд 32, 10 номинацийы. Алы архайæгæн дæр фадат уыд йæ куысты тыххæй радзурын республикæйы ахуырады æмæ наукæйы министр Огъуаты Аланæн. Конкурсы хатдзæгтæм гæсгæ хуыздæр экспонаттæ æрвыст æрцæуздысты наукон-техникон сфæлдыстады æппæтуæрæсеон равдыстмæ, Мæскуымæ. Конкурс арæзт æрцыд техникон сфæлдыстады республикон центры хъæппæрисæй.
Магкойты Таймураз, конкурсы архайæг: «Ацы техникон-сфæлдыстады конкусмæ æз бацæттæ кодтон куыст – светодиодные источники света, зæгъгæ. ацы куысты æз архайын 5 азы бæрц æмæ мæ зæрдæмæ тынг цæуы».
Сæлбиты Алан, РЦИ-Аланийы ахуырады æмæ наукæйы министрады информацион технологиты хайады сæргълæууæг: «Кæм фæнды сæ куы вдисой, æрмæст Уæрæсейы нæ, фæлæ фæсарæнты дæр, уæддæр, ахæм куыстытæ цымыдис сты кæм фæнды дæр. Роботехникæ, компьютерон системæтæ, программæтæ. уыдон цымыдис канд Уæрæсейы æмæ Ирыстоны не сты, уыдон ныртæккæ æппæтдунеон прогрессы фæстиуджытæ сты. Равдысты цы сывæллæттæ ис, уыдоны нæмттæ бахъуыды кæнын хъæуы, уымæн æмæ хæстæгдæр фидæны сæ нæмттæ æрвнæрæгау хъуысдзысты Уæрæсейы æмæ æппæт дунейы».
