Аивадуарзджытæн раарфæ кодтой оперæ æмæ балеты театры аивадон разамонæг Гергиты Ларисæ, театры директор Гæлæуты Анатолий æмæ Цæгат Ирыстоны театралон архайджыты Цæдисы сæрдар Гуыбиаты Хъазыбег. Фыццаг бон æвдыст æрцыд Роман Виктюкы спектакль «Элеонора. Последняя ночь в Питсбурге».
Аивадуарзджытæн раарфæ кодтой оперæ æмæ
балеты театры аивадон разамонæг Гергиты Ларисæ, театры директор Гæлæуты
Анатолий æмæ Цæгат Ирыстоны театралон архайджыты Цæдисы сæрдар Гуыбиаты
Хъазыбег. Фыццаг бон æвдыст æрцыд Роман Виктюкы спектакль «Элеонора.
Последняя ночь в Питсбурге». Архайынц дзы Уæрæсейы адæмон артисткæ Иринæ
Соколова æмæ Уæрæсейы сгуыхт артист Владимир Аджамов. Театруарзджытæ ма
фендзысты 3 спектаклы: «С приехалом!», «Комедия из нашей жизни» æмæ
«Императрица». Сæвæрдтой сæ Мæскуыйы æмæ Санкт-Петербурджы театртæ.
Тæбæхсæуты Балойы номыл фестиваль арæзт цæуы 2-аг хатт. Театралон форум
фæуыдзæн 24 декабры.
Гуыбиаты Хъазыбег, РЦИ-Аланийы театралон
архайджыты Цæдисы сæрдар: «Фæнды мæ зæгъын бузныг Гергиты Ларисæйæн.
Ацы фестиваль чи æрхъуыды кодта, чи йыл бацархайдта. Бузныг ын канд мæхи
номæй нæ, фæлæ ирон адæмы номæй. Ацы фестиваль хорз у, уымæй æмæ нæм
алы бæстæтæй, алы театртæй цæуынц хуыздæр актертæ. Бирæтæн сæ бон нæу
фенын æндæр театртæ, æмæ ардæм цымыдисæй цæуынц».
Гæлæуты Анатолий, Оперæ æмæ Балеты
театры директор: «Йæ фарсмæ чи куыста, йæ кæстæртæ, йе мгæрттæ, уыдонæн
уыдис сæ хорз æмбал, сæ хорз хистæр, сæ ахуыргæнæг. Цыбыр дзырдæй,
Советон Цæдисы адæмон артист Тæбæхсæуты Бало, уый аккаг аргæй уыд, цæмæй
йæ номыл уа æппæтдунеон фестиваль».
