Куыд конд æрцыд, уый сбæрæг кодта республикæйы сæргълæууæг Мамсыраты Таймураз.
Бæстыхайы рынчынтæн ис 70 бынаты, уымæй уæлдай ма 10 бынаты боныгон стационарæн.
Сæйрагдæр та уый у, æмæ ныр цæстыты низтæй хъыгдард рынчынты нал хъæудзæн æндæр регионтæм цæуын.
Куыд конд æрцыд, уый сбæрæг кодта республикæйы сæргълæууæг Мамсыраты Таймураз.
Бæстыхайы рынчынтæн ис 70 бынаты, уымæй уæлдай ма 10 бынаты боныгон стационарæн.
Сæйрагдæр та уый у, æмæ ныр цæстыты низтæй хъыгдард рынчынты нал хъæудзæн æндæр регионтæм цæуын. Операцитæ сын кæнæн ис ног клиникæйы. Республикæйы сæргълæууæгæн равдыстой операцитæгæнæн ног агъуыстытæ, кусæнгæрзтæ æмæ палатæтæ. Ис сæм лазерæй диагностикæ æмæ дзæбæхгæнæн аппаратурæ дæр. Рынчындоны стыр æргом здæхт цæудзæн Фыдыбæстæйы Стыр хæсты ветерантæм æмæ, йе нæниздзинад хъыгдард кæмæн у, стæй социалон æгъдауæй хъахъхъæд чи нæу, уыцы адæммæ.
Клиникæ сцалцæг кæныны æмæ йæ байгом кæныны хъуыддаджы стыр æххуыс бакодта Дзæуджыхъæуы администраци. Клиникæмæ æркæсгæйæ, Мамсыраты Таймураз районты разамонджытимæ æмæ медицинон кусæндæтты сæргълæуджытимæ сарæзта æмбырд. Куыд загъта, афтæмæй ахæм дæнцæгтæм кæсгæйæ, алчидæр йæхицæн хъуамæ скæна хатдзæгтæ. Ног федералон закъонмæ гæсгæ, медицинон кусæндæттæ ныр уыдзысты республикæйы бæрны. Уымæ гæсгæ районты разамынд, медицинон кусæндæттæ æмæ хицаудзинады оргæнтæ хъуамæ кусой æнгомдæр æмæ бæстон. Сæ куыст хъуамæ зына æмæ уа хæрзхъæд.
